રસૈલનું ગજબ કમબેક: ઈંગ્લેન્ડ સામે વિન્ડિઝ વિજયી

સ્ટાર ઑલરાઉન્ડર આંદ્રે રસૈલે આંતરરાષ્ટ્રીય ક્રિકેટમાં સફળ વાપસી કરતાં વિન્ડિઝને ઈંગ્લેન્ડ વિરુદ્ધ ઐતિહાસિક જીત અપાવી છે. રસેલે ૧૪ બોલમાં ત્રણ વિકેટ અને અણનમ ૨૯ રન બનાવીને ટીમની જીતમાં મહત્ત્વની ભૂમિકા ભજવી છે. વિન્ડિઝ માટે અન્ય બેટરોમાં બ્રેન્ડન કિંગ (૨૨ રન), કાઈલ મેયર્સ (૩૫ રન), સાઈ હોપ (૩૬ રન) અને રોમેન પોવેલે ૩૧ રનનું યોગદાન આપ્યું હતું. આ મેચમાં ઈંગ્લેન્ડે પહેલાં બેટિંગ કરતાં ૧૯.૩ ઓવરમાં ૧૭૧ રન બનાવ્યા હતા જેના જવાબમાં વિન્ડિઝે ૧૮.૧ ઓવરમાં ૬ વિકેટે જ ૧૭૨ રન બનાવીને મેચ જીતી લીધી હતી.