આજે ભારત-પાકિસ્તાન વચ્ચે વર્લ્ડકપમાં ટક્કર

Sat, June 13 2026

મહિલા ટીમ વચ્ચે જામશે જંગ: ટી-૨૦માં પાકિસ્તાન સામે ભારત `સરતાજ’

પાછલા વર્ષે વન-ડે વર્લ્ડકપ જીતીને ચેમ્પિયન બન્યા બાદ ભારતીય મહિલા ક્રિકેટ ટીમ હવે ઈંગ્લેન્ડ એન્ડ વેલ્સમાં ટી-૨૦ વર્લ્ડકપ જીતવાના ઈરાદે આજે રવિવારથી પોતાના અભિયાનનો પ્રારંભ કરશે. ૧૨ જૂનથી પાંચ જૂલાઈ સુધી રમાનારા આ વર્લ્ડકપમાં ટીમ ઈન્ડિયા અને તેમાં પણ ખાસ કરીને કેપ્ટન હરમનપ્રીત કૌર તેમજ વાઈસ કેપ્ટન સ્મૃતિ મંધાના ઉપર સૌની નજર રહેશે. આજે ભારતીય ટીમ પોતાની પહેલી જ મેચ પાકિસ્તાન સામે રમશે.

આ મેચ બર્મિંઘમના એજબેસ્ટન મેદાન ઉપર સાંજે સાત વાગ્યાથી શરૂ થશે. ભારત-પાકિસ્તાન વચ્ચે અત્યાર સુધી કુલ ૧૬ મહિલા ટી-૨૦ આંતરરાષ્ટ્રીય મેચ રમાઈ છે જેમાં ૧૩ વખત ભારત તો માત્ર ત્રણ વખત પાકિસ્તાન જીતી શક્યું છે. આ પ્રમાણે ભારતીય ટીમનું પલડું ખૂબ જ ભારે છે. આ મેચનું લાઈવ પ્રસારણ સ્ટાર સ્પોર્ટસ નેટવર્કની વિવિધ ચેનલો ઉપર થશે. જ્યારે મેચનું ઓનલાઈન સ્ટ્રિમિંગ જિયોસ્ટાર એપ પર થશે.

આ પણ વાંચો: ‘ગેટેડ કોમ્યુનિટી’ ના કલ્ચરે આપણી ‘શેરી-સંસ્કૃતિ’ અને ‘પાડોશ’ ને કેવી રીતે ખતમ કરી નાખ્યા?

બર્મિંઘમમાં રમાનારી આ મેચ પહેલાં આ વર્લ્ડકપની પહેલી ટક્કર ઈંગ્લેન્ડ-શ્રીલંકા વચ્ચે થઈ હતી જેમાં ૩૫૧ રન બન્યા હતા. આવામાં બેટર્સ માટે આ પીચ મદદગાર સાબિત થઈ શકે છે.