અદાણી ગુજરાત જાયન્ટ્સ 2024માં કઈ ગેમમાં ચેમ્પિયન બની, વાંચો
ગુજરાત જાયન્ટ્સે શનિવારે રમાયેલી અલ્ટિમેટ ખો-ખો લીગની બીજી સિઝનની ફાઈનલમાં પોતાના હરીફ ચેન્નાઈ ક્વિક ગન્સને સરળતાથી હરાવી ટ્રોફી પર કબજો કર્યો હતો. ખો-ખોની રમતનાં વિકાસમાં યોગદાન આપવા કટિબદ્ધ અદાણી સ્પોર્ટ્સલાઈનની માલિકીની ગુજરાત જાયન્ટ્સ ટીમ ખો-ખો લીગમાં પ્રથમવાર ચેમ્પિયન બની છે. જાયન્ટ્સે ફાઈનલમાં 31-26નાં અંતરથી ચેન્નાઈને હરાવ્યું, ટીમે સંપૂર્ણ મેચમાં પોતાનો દબદબો બનાવી રાખ્યો હતો.
ગુજરાત જાયન્ટ્સનાં કેપ્ટન અક્ષય ભંગારેએ કહ્યું કે,”અમે બીજી સિઝનમાં ચેમ્પિયન બન્યા તેનો આનંદ છે. ટીમે સંપૂર્ણ સિઝન દરમિયાન શાનદાર પ્રદર્શન કર્યું છે. આ જીતનો શ્રેય અમારી પાછળ સતત મહેનત કરી રહેલ અદાણી સ્પોર્ટ્સ લાઈનની ટીમને જાય છે. આ ઉપરાંત અમારી જીત તમામ ખો-ખો ખેલાડીઓને પ્રેરિત કરનારી જીત છે.”
અદાણી સ્પોર્ટ્સલાઈનની માલિકી ધરાવતી ગુજરાત જાયન્ટ્સની ટીમ માટે કટક ખાતે યોજાયેલી લીગ ઘણાં ઉતાર-ચઢાવથી ભરપૂર રહી હતી. ગુજરાતની ટીમ દર્શકોને એન્ટરટેન કરનાર ટીમમાંથી એક રહી હતી. ટીમે લીગ રાઉન્ડમાં 21 પોઈન્ટ્સ અને 55નાં સ્કોર ડિફરન્સ સાથે ત્રીજા સ્થાને રહી અંત કર્યો હતો, જેમાં ટીમે 6 મેચ જીતવાની સાથે અમુક મેચ ટાઈ કરી હતી અને અમુક મેચમાં ટીમે હારનો સામનો કરવો પડ્યો હતો.
ગુજરાત જાયન્ટ્સે સેમિફાઈનલમાં હોમ ટીમ ઓડિશા જગરનૉટને મજબૂત ટક્કર આપી અને રોમાંચક મેચને 29-27થી જીતી હતી.અદાણી એન્ટરપ્રાઈઝનાં ડિરેક્ટર પ્રણવ અદાણીએ ટ્વિટ કરી હતી કે,”ગુજરાત જાયન્ટ્સે ખો-ખોમાં જાદુ કરી દેખાડ્યો છે.
કોચ સંજીવ શર્મા એ કહ્યું, ” આ ગુજરાત જાયન્ટ્સ માટે એક શાનદાર ઉપલબ્ધિ છે. ખો ખો લીગનું ટાઇટલ જીતવું એ સરળ કામ નોહતું, ટીમ એક પરિવારની જેમ સંઘર્ષ કરતી રહી અને તેનું પરિણામ તેઓની રમતમાં જોવા મળ્યું. હું ટીમની સફળતા પર ખુશ છું. આ સફળતા અદાણી સ્પોર્ટ્સ લાઈનના ટીમને અપાતા સતત સમર્થન વિના શક્ય નોહતી. “
