નતાશા અને હાર્દિકે ડિવોર્સ લીધા બાદ પહેલીવાર પિતાના ઘરે પહોંચ્યો અગસ્ત્ય, જુઓ વિડીયો
નતાશા અને હાર્દિકે ડિવોર્સ લીધા બાદ પુત્ર અગસત્ય નતાશા સાથે રહેતો હતો. તે બંને સર્બિયા ચાલ્યા ગયા હતા ત્યારે ડિવોર્સ બાદ પ્રથમ વખત હાર્દિક પંડયા પોતાના દીકરાને મળ્યો હતો. ડિવોર્સના દોઢ મહિના પછી સોમવારે નતાશા સ્ટેનકોવિક મુંબઈ પહોંચી હતી. મંગળવારે પુત્ર અગસ્ત્ય તેના માતાપિતાના છૂટાછેડા પછી પહેલીવાર તેના પિતાના ઘરે પહોંચ્યો હતો.
હાર્દિકની ભાભીએ વીડિયો શેર કર્યો
હાર્દિકની ભાભી અને તેના મોટા ભાઈ કુણાલ પંડ્યાની પત્ની પંખુરી શર્માએ ઈન્સ્ટાગ્રામ સ્ટોરીઝ પર એક ક્યૂટ વીડિયો શેર કર્યો છે જેમાં અગસ્ત્ય તેના પિતરાઈ ભાઈઓ સાથે એન્જોય કરતા જોવા મળે છે. પંખુરીએ શેર કરેલા વીડિયોમાં તે બાળકો સાથે ક્વોલિટી ટાઈમ વિતાવતી જોવા મળી રહી છે. તે 4 વર્ષના અગસ્ત્યને એક પુસ્તક વાંચી રહી છે અને તેના અન્ય પિતરાઈ ભાઈઓ પણ ધ્યાનથી સાંભળી રહ્યા છે.
નતાશા-હાર્દિકે જુલાઈમાં છૂટાછેડાની કરી હતી જાહેરાત
તમને જણાવી દઈએ કે હાર્દિકથી અલગ થયા બાદ નતાસા તેના પુત્ર અગસ્ત્યને પોતાની સાથે સર્બિયા લઈ ગઈ હતી. આ દંપતીએ મે 2020 માં ઘનિષ્ઠ લગ્ન કર્યા હતા. આ પછી ફેબ્રુઆરી 2023માં નતાશા અને હાર્દિકે હિંદુ અને ક્રિશ્ચિયન રીતિ-રિવાજ મુજબ ફરીથી લગ્ન કર્યા. જોકે, બંનેએ જુલાઇ 2024માં સંયુક્ત નિવેદન જારી કરીને છૂટાછેડાની જાહેરાત કરી હતી.
નતાશા-હાર્દિકના છૂટાછેડાનું કારણ સામે આવ્યું
હાલમાં જ ટાઈમ્સ નાઉના એક રિપોર્ટમાં નતાશા અને હાર્દિકના અલગ થવાનું કારણ સામે આવ્યું છે. રિપોર્ટમાં દાવો કરવામાં આવ્યો છે કે નજીકના સૂત્રએ કહ્યું કે હાર્દિક એક શો-ઓફ હતો. નતાશા હવે સહન ન કરી શકી. તેમને સમજાયું કે તેમની વચ્ચે બહુ મોટો તફાવત છે. ઘણા વર્ષો સુધી નતાશાએ પોતાને ક્રિકેટર સાથે મેચ કરવાનો પ્રયાસ કર્યો, પરંતુ હાર્દિકે પોતાની જાતને બદલી ન હતી. નતાશાએ પણ હાર્દિકથી અલગ થવાના તેના નિર્ણય પર પુનર્વિચાર કર્યો, પરંતુ ઘા એટલો ઊંડો હતો કે તે તેને સતત પીડા આપતો રહ્યો અને આખરે તેણે ક્રિકેટરને છૂટાછેડા લેવાનો નિર્ણય કરવો પડ્યો.
