હેલમેટ વગર ભારતનો સરફરાઝ બચી ગયો, પાક.નો અંટાઈ ગયો !
ભારતીય ટીમના ખેલાડી સરફરાઝ ખાન રાંચી ટેસ્ટમાં ફિલ્ડિંગ કરી રહ્યો હતો ત્યારે તે હેલ્મેટ વગર ઉભો હોવાથી રોહિત શર્મા તેને ખીજાયો હતો. આ પછી તેણે તુરંત હેલમેટ પહેરી લીધું હતું. જો કે પાકિસ્તાનનો સરફરાઝ ખાન હેલમેટ વગર ફિલ્ડિંગ કરતો હોવાથી ઈજાગ્રસ્ત થઈ ગયો છે. પાક. ટીમનો પૂર્વ કેપ્ટન સરફરાઝ ખાન પાકિસ્તાન સુપર લીગમાં ક્વેટા ગ્લેડિયેટર્સ માટે વિકેટકિપિંગ કરી રહ્યો હતો જેમાં તેને ઈજા પહોંચી હતી. સરફરાઝને મોહમ્મદ વસીમ જુનિયર દ્વારા કેચ પકડ્યા બાદ ફેંકેલો દડો માથા પર લાગ્યો હતો. ઈજા એટલી ગંભીર હતી કે સરફરાઝે તાત્કાલિક મેદાન છોડવું પડ્યું હતું.
