પૂર્વ ક્રિકેટર-અભિનેતાની માતાનું શંકાસ્પદ મોત
આપઘાતની આશંકા: ગરદન ઉપર ઈજાના નિશાન
ભારતીય ટીમના પૂર્વ ક્રિકેટર અને અભિનેતા સલિલ અંકોલાની માતાનું પૂનામાં નિધન થયું છે. સલીલના માતા માલા અંકોલાનો મૃતદેહ તેના ઘરમાંથી મળ્યો હતો. પ્રારંભીક રિપોર્ટ પ્રમાણે આ ઘટના આપઘાતની હોવાનું લાગી રહ્યું છે. મૃતક મહિલાના ગરદન પર ઈજાના નિશાન મળ્યા છે જે તેમના દ્વારા જ કરવામાં આવી હોય તેવું બની શકે છે. રસોઈમાં ઉપયોગમાં લેવાતાં ચાકૂનો ઉપયોગ કરાયો હોય તેવું લાગી રહ્યું છે. તેમણે અંદરથી રૂમનો દરવાજો પણ બંધ કરી દીધો હતો.
સલીલે પણ માતાની એક તસવીર ઈન્સ્ટાગ્રામ પર શેયર કરી માતાના નિધન અંગે જાણકારી આપી હતી. પૂના પોલીસના ડીસીપીએ કહ્યું કે અમને તેમનો મૃતદેહ શંકાસ્પદ હાલતમાં મળ્યો હતો. પોસ્ટમોર્ટમ રિપોર્ટ આવ્યા બાદ ચિત્ર સ્પષ્ટ થઈ જશે. પ્રથમ દૃષ્ટિએ મૃતકે પોતે જ ગરદન પર ઈજા પહોંચાડી હોય તેવું લાગી રહ્યું છે જેના માટે તેમણે ચાકૂનો ઉપયોગ કર્યો હતો. પોલીસ દ્વારા નોકરાણી અને પરિવારજનોની પૂછપરછ પણ કરી રહી છે.
