દુલિપ ટ્રોફી: ઈન્ડિયા એ’ની જીત: અય્યર-સેમસન ફરી ફેઈલ
ઈન્ડિયા બી-સી વચ્ચેની મેચ ડ્રો દુલિપ ટ્રોફી-૨૦૨૪ના બીજા રાઉન્ડના મુકાબલા પૂર્ણ થઈ ચૂક્યા છે. મયંક અગ્રવાલની આગેવાનીમાં ઈન્ડિયાએ’નો ઈન્ડિયા ડી' સામે ૧૮૬ રને વિજય થયો હતો. જ્યારે ઈન્ડિયાબી’ અને ઈન્ડિયા સી' વચ્ચે અનંતપુરમાં રમાયેલો મુકાબલો ડ્રો રહ્યો હતો. ઈન્ડિયાડી’ને જીત માટે ૪૮૯ રનનો લક્ષ્યાંક મળ્યો હતો પરંતુ તે ૩૦૧ રન જ બનાવી શકી હતી. રિકી ભુઈએ સદી બનાવી હતી પરંતુ ટીમને જીત અપાવી શક્યો ન્હોતો. કેપ્ટન શ્રેયસ અય્યર પણ ફરી વખત નિષ્ફલ નિવડ્યો હતો તો સંજૂ સેમસનનું પણ કંઈક આવું જ રહ્યું હતું.
આ જીતથી ઈન્ડિયા એ'ને છ પોઈન્ટ મળ્યા જેના કારણે ટીમ ટ્રોફીની હોડમાં ટકેલી છે. જો કે હવે તેણે ઈન્ડિયાસી’ સામે રમાનારી મેચમાં અપેક્ષા પ્રમાણેનું પરિણામ આવે તેવી કામના કરવી પડશે. સળંગ બે હાર સાથે ટ્રોફીની હોડમાંથી બહાર થયેલી ઈન્ડિયા ડી' હવે આગલી મેચમાં બીજા સ્થાને રહેલી ઈન્ડિયાબી’ સામે ટકરાશે.
