આવતાં વર્ષે ભારતમાં રમાશે એશિયા કપ

વર્લ્ડકપને ધ્યાનમાં રાખી ટી-૨૦ ફોર્મેટમાં રમાશે ટૂર્નામેન્વોઈસ ઓફ ડે, નવીદિલ્હી

ભારત-૨૦૨૫માં ટી-૨૦ એશિયા કપ ક્રિકેટ ટૂર્નામેન્ટની યજમાની કરશે. આ ટૂર્નામેન્ટ ટી-૨૦ વર્લ્ડકપ-૨૦૨૬ના એક વર્ષ પહેલાં રમાશે. આ કારણે એશિયા કપની ટીમ ટી-૨૦ એશિયા કપને વર્લ્ડકપમાં પોતાની તૈયારી પારખવા માટે ઉપયોગ કરશે. એશિયન ક્રિકેટ કાઉન્સીલે ટી-૨૦ એશિયા કપ ક્રિકેટ ટૂર્નામેન્ટની યજમાનીની જાણકારી આપી છે.

એશિયા કપનો ખીતાબ ભારત પાસે છે. પાછલા ચારમાંથી ત્રણ એશિયા કપ ભારતે જ જીત્યા છે. વર્ષ ૨૦૧૬થી એશિયા કપને હંમેશા વર્લ્ડકપની તૈયારીના ભાગરૂપે જ જોવામાં આવે છે. આ જ કારણે એશિયા કપ એ ફોર્મેટમાં રમાય છે જે ફોર્મેટમાં વર્લ્ડકપ રમાવાનો હોય. તાજેતરમાં જ શ્રીલંકાએ મહિલા એશિયા કપની યજમાની કરી હતી જેમાં તેણે ભારતને હરાવીને ટ્રોફી જીતી હતી.

એશિયા કપ-૨૦૨૩ની યજમાની પાકિસ્તાન ક્રિકેટ બોર્ડે હાઈબ્રિડ મોડેલ પર કરી હતી. ભારતે ત્યારે પાકિસ્તાનનો પ્રવાસ કરવાનો ઈનકાર કરતાં ભારતની મેચ શ્રીલંકામાં રમાઈ હતી. જ્યારે બાંગ્લાદેશ ૨૦૨૭માં વન-ડે ફોર્મેટમાં એશિયા કપની યજમાની કરશે.