આજે ભારતનો શ્રીલંકા-બાંગ્લાદેશ સામે મુકાબલો
મહિલા ટીમ ટી-૨૦ વર્લ્ડકપમાં `જીવંત’ રહેવા તો પુરુષ ટીમ શ્રેણી કબજે કરવા ઉતરશે મેદાને
આજે ભારતની મહિલા-પુરુષ ક્રિકેટ ટીમ ફરી એક જ દિવસે અલગ-અલગ ટીમ સામે ટક્કર લેવા મેદાને ઉતરશે. પુરુષ ટીમ આજે બાંગ્લાદેશ સામે તો મહિલા ટીમ શ્રીલંકા સામે રમશે.
પુરુષ ટીમ અત્યારે બાંગ્લાદેશ સામે ઘરઆંગણે ટી-૨૦ શ્રેણી રમી રહી છે. શ્રેણીની પહેલી ટી-૨૦ મેચ ગ્વાલિયરમાં રમાઈ હતી જેમાં ભારતે સાત વિકેટે જીત મેળવી હતી. બીજી ટી-૨૦ મેચ આજે દિલ્હીના અરુણ જેટલી સ્ટેડિયમ પર રમાશે. આ મેચ સાંજે સાત વાગ્યાથી શરૂ થશે. ટીમ ઈન્ડિયા શ્રેણીમાં ૧-૦થી આગળ છે એટલા માટે તે આ મુકાબલો જીતીને શ્રેણી પોતાના નામે કરવા મહેનત કરશે.
જ્યારે ભારતીય મહિલા ક્રિકેટ ટીમ ટી-૨૦ વર્લ્ડકપમાં પોતાનો ત્રીજો મુકાબલો રમવા ઉતરશે. ન્યુઝીલેન્ડ સામે હાર બાદ ભારતે બીજી મેચમાં પાકિસ્તાનને રગદોળ્યું હતું. હવે આજે તેનો મુકાબલો શ્રીલંકા સામે થશે. આ મેચ દુબઈમાં સાંજે ૭:૩૦ વાગ્યાથી શરૂ થશે.
બન્ને મેચનું પ્રસારણ અલગ-અલગ ચેનલ ઉપર થશે. ભારત-બાંગ્લાદેશ વચ્ચેની મેચ સ્પોર્ટસ-૧૮ ઉપર જ્યારે સ્ટ્રિમિંગ જિયો સિનેમા પર થશે. ટી-૨૦ વર્લ્ડકપ મેચનું લાઈવ પ્રસારણ સ્ટાર સ્પોર્ટસ પર તો સ્ટ્રિમિંગનો લુત્ફ હોટસ્ટાર પર ઉઠાવી શકાશે.
