મેડોડા પાસે બાઇક પર જતાં પિતા પુત્રને કન્ટેનરે ચગદી નાખ્યા
બાઇક પર વડવાજડી જતાં હતા તે વેળાએ કન્ટેનરે ઠોકર મારતા બંનેના કરૂણ મોત નિપજ્યાં : પોલીસે કન્ટેનર ચાલકની ધરપકડ કરી
રાજકોટ પંથકમાં દિન પ્રતિદિન અકસ્માતના બનાવો વધવા પામ્યા છે.માતેલા સાંઢની જેમ માર્ગ પર પુરપાટ દોડતા ટ્રક,કન્ટેનર અકસ્માત સર્જી પરિવારનો માળો વીંખી નાખે છે. ત્યારે તેમ વધુ એક બનાવ સામે આવ્યો છે. જેમાં ગઇકાલે મેટોડા નજીક બાઇક પર જતાં પિતા-પુત્રને કન્ટેનરે ઠોકર મારતા તેમનું ઘટનાસ્થળે કમકમાટી ભર્યું મોત નીપજ્યું છે. જ્યારે આ ઘટના મમલે પોલીસ કન્ટેનર ચાલકની ધરપકડ કરી આગળની કાર્યવાહી હાથધરી છે.
મળતી વિગતો મુજબ વડવાજડી ખાતે રહેતા જીલુભા સઘુજી ભટ્ટી (ઉ.વ.62) અને તેનો પુત્ર સંજયસિંહ જીલુભા ભટ્ટી (ઉ.વ.62) ગઇકાલે મેટોડા ખાતે કામ સબબ બાઇક પર ગયા હતા ત્યાર બાદ ત્યાંથી બાઇક પર ઘરે પરત ફળી રહ્યા હતા. ત્યારે મેટોડા જી.આઈ.ડી.સીના ગેંટ નંબર 1 પાસે જી.જે.12.બીવાય.5052 નંબરના કન્ટેનર ના ચાલકે વળાંક લેતી વેળાએ બાઇક પર જતાં પિતા-પુત્રને ઠોકર મારતા ગોજારો અકસ્માત સજાયો હતો.
જેમાં બંનેના ઘટના સ્થળે કમકમાટી ભર્યા મોત નિપજ્યાં હતા.જ્યારે અ ઘટનાની જાણ લોધિકા પોલીસને થતાં તેઓ ઘટના સ્થળે દોડી આવ્યા હતા. અને કન્ટેનર ચાલકની અટકાયત કરી હતી. જ્યારે પિતા-પુત્રના મૃતદેહને પોસ્ટમોર્ટમ અર્થે ખસેડવામાં આવ્યા છે. જ્યારે અકસ્માતમાં પિતા-પુત્રના મોત થતાં પરિવારમાં શોકનું મોજું ફળી વળ્યું છે. જ્યારે અ ઘટના મમલે લોધિકા પોલીસના હેડ. કોન્સ્ટેબલ અજયભાઈ સોલંકી દ્વારા આગળની તપાસ ચલાવામા આવી રહી છે.