હીરાસર એરપોર્ટ જવા આજ સાંજથી પ્રથમ બસ એસટી પોર્ટ ઉપરથી રવાના થશે

એસટી તંત્ર દ્વારા પહેલા સવારથી બસ ઉપડાવનું જાહેર કર્યા બાદ ફેરવી તોળ્યું: મુસાફરોને બસમાં સામાન રાખવાની મુશ્કેલી પડશે

આજથી રાજકોટ શહેરના ઇન્ટરનેશનલ કક્ષાના નવા અધ્યતન હિરાસર એરપોર્ટનો પ્રારંભ થઈ રહ્યો છે. રાજકોટ એસટી પોર્ટ ઉપરથી રવિવારે સાંજે ચાર કલાકે પ્રથમ ઇલેક્ટ્રીક એસી બસનો ધારાસભ્ય દર્શિતા બહેન શાહના હસ્તે પ્રારંભ કરાશે. અત્રે ઉલ્લેખનીય છે કે, અગાઉ રાજકોટ એસટીના ડીસી કરોતરાએ રવિવારે સવારના 6 કલાકથી હીરાસર એરપોર્ટ જવા માટે રાજકોટ એસટી બસ પોર્ટ પરથી ઉપડ્શે તેવી જાહેરાત કરી હતી પરંતુ કોઈ કારણોસર રાજકોટ એસટી દ્વારા હવે આજે સાંજ થી બસ એરપોટ માટે જવા માટેનો નિર્ણય લેવામાં આવ્યો છે. જે બાબતે અનેક તર્ક વિતર્ક વહેતા થયા છે.

રાજકોટ એસટી પોર્ટ પરથી બે કલાકે હીરાસર એરપોર્ટ ઉપર જવા માટે બસ મળશે. જેની ટિકિટ રૂ.100 રાખવામાં આવી છે. બીજી તરફ એરપોર્ટ જવા માટે મુસાફરોને એસટીની ઇલેક્ટ્રીક એસી બસમાં લગેજની કોઈ વ્યવસ્થા ન હોવાથી બસમાં જ બેગ સહિતનો મુસાફરોએ સામાન રાખવો પડશે. રવિવારે સવારે 8:10 વાગ્યે પ્રથમ ફ્લાઇટ હીરાસર એરપોર્ટ પરઆવશે. રાજકોટ એસટી પોર્ટ ઉપરથી રવિવારે સાંજે બસ શરૂ કરવાનો dc દ્વારા નિર્ણય લેવામાં આવ્યો છે બીજી તરફ એરપોર્ટ જવા માટે ખાનગી કારના ધંધાર્થીઓ દ્વારા અગાઉ રૂ.2000 નું ભાડું નક્કી કરવામાં આવ્યું હતું તેની બદલે વન વે સાઈડ એટલે કે ફક્ત હીરાસર એરપોર્ટ મૂકવા માટે મુસાફર પાસેથી રૂ.1,200 નું ભાડું લેવાનો નિર્ણય એસોસિએશન દ્વારા લેવામાં આવ્યો હોવાનું જાણવા મળ્યું છે.