નાણા મંત્રાલયે બજેટની તૈયારી શરૂ કરી

નાણા મંત્રાલયે 1 ફેબ્રુઆરી 2024ના રોજ રજૂ થનારા વચગાળાના બજેટની તૈયારીઓ શરૂ કરી દીધી છે. નાણા મંત્રાલયના આર્થિક બાબતોના વિભાગ હેઠળના બજેટ વિભાગે બજેટ 2024-25 અંગે એક પરિપત્ર બહાર પાડ્યો છે જેમાં તેણે તમામ મંત્રાલયો અને વિભાગો પાસેથી તેમના બજેટ અંગેના ઇનપુટ્સ માંગ્યા છે. નાણા મંત્રાલયે આ મંત્રાલયો અને વિભાગોને 5 ઓક્ટોબર, 2023 સુધીમાં તેમના ઈનપુટ સબમિટ કરવા કહ્યું છે.

આ બજેટ પરિપત્રમાં કહેવામાં આવ્યું છે કે નાણા મંત્રાલયના ખર્ચ સચિવ ઓક્ટોબરના બીજા સપ્તાહથી આ મંત્રાલયો અને વિભાગો સાથે પ્રી-બજેટ બેઠકો શરૂ કરશે.