પીજીવીસીએલની બોલેરો હડફેટે ધોરણ-7ના વિદ્યાર્થીનું મોત
ગોંડલ તાલુકાના મોટા મહીકા ગામે રહેતા ઇજાન યુનુસભાઈ સમા (ઉવ13) ચાર દિવસ પૂર્વે સાયકલ લઈને જઈ રહ્યો હતો ત્યારે પીજીવીસીએલની બોલેરોના ચાલકે ઇજાનને ઠોકરે લેતા અકસ્માત સર્જાયો હતો અકસ્માતમાં ગંભીર રીતે ઘવાયેલા ઇજાન સમાને સારવાર માટે પ્રથમ ગોંડલ બાદમાં વધુ સારવાર માટે રાજકોટ સિવિલ હોસ્પિટલમાં દાખલ કરવામાં આવ્યો હતો જ્યાં તેનું ટૂંકી સારવાર દરમિયાન મોત થયું હતું. મૃતક ઇજાન સમા બે ભાઈ એક બહેનમાં મોટો હતો. આ બનાવ અંગે ગોંડલ પોલીસે નોંધ કરી વધુ તપાસ હાથ ધરી છે.
