રાજકોટમાં વધુ એક અંધશ્રદ્ધાનો કિસ્સો, ભુવાએ પડાવ્યા રૂપિયા 8 લાખ જુઓ વિડિયો
તાંત્રિકવિધિના નામે યુવાન સાથે રૂ.૮ લાખની ઠગાઈ
રૂપિયા પડાવ્યા બાદ ભૂવાએ દારૂ, કુંવારી છોકરી અને મટનની માંગણી મામલો પોલીસમાં
રાજકોટના મનહર પ્લોટમાં રહેતા મનિષભાઈ લોટીયા નામના યુવક સાથે તાંત્રિક વિધિના નામે અમીન માર્ગ, ગંગા હોલ પાસે રહેતા ભુવા અરૂણ સાપરીયા ઉર્ફે ગુરૂજી નામના શખ્સે આઠ લાખની છેતરપીંડી કરી હોવાની અરજી એ-ડીવીઝન પોલીસને કરવામાં આવતા તપાસ શરુ કરવામાં આવી છે.
મનિષભાઈ કન્સલટીંગ કામ કરે છે પારિવારીક મુશ્કેલી આવતાં સંબંધીઓ મારફતે આરોપીનો સંપર્ક કરેલ હતો.તેઓ ભુવા અરૂણ સાપરીયા ઉર્ફે ગુરૂજીને મળવા ગયેલ ત્યારે તેને નડતર શોધી તાંત્રિક વિધી માટે કટકે-કટકે આઠ લાખ રૂપિયા આપ્યા હતા છતાં કોઈ ઉકેલ નહી આવતા સ્મશાને વિધિ માટે ભુવાએ તેમની પાસે દારૂ, કુંવારી છોકરી અને મટનની માંગણી કરતા ફરીયાદીને શંકા જતા તપાસ કરતા જાણવા મળેલ કે આરોપી માનસીક વિકૃત છે અને નિર્દોષ લોકોને ફસાવી મોટી રકમ પડાવી સ્ત્રીઓના ઉપયોગ કરે છે. બનાવ અંગેની અરજી પરથીએ ડીવીઝન પોલીસે તપાસ હાથ ધરી છે.
