અમદાવાદના ઝવેરીના 3 કરોડા દાગીનાની લૂંટ,છ લૂંટારુ પકડાયા

ડીસા-પાલનપુર હાઇવે પર જ્વેલર્સના ત્રણ કર્મચારીની કારને આતરી લૂંટ ચલાવી હતી
પૂર્વ કર્મચારીએ જ ટીમ આપી હતી બનાસકાંઠાના પાલનપુર અમદાવાદના ઋષભ જ્વેલર્સના ત્રણ કર્મચારીઓ સોના-ચાંદીના દાગીના અને હીરા લઈને ડીસાથી પાલનપુર જઇ રહ્યા હતા ત્યારે અજાણ્યા બુકાનીધારીઓએ તેમની કારને આંતરી હતી અને 3 કરોડની લૂંટ ચલાવી હતી. આ લૂંટના બનાવમાં પાટણ એલસીબીએ ગણતરીના કલાકોમાં લૂંટ કરીને ફરાર થયેલા પાંચ આરોપીઓને ઝડપી લીધા હતા. લૂંટ માટે ઋષભ જ્વેલર્સના ભૂતપૂર્વ કર્મચારીએ જ ટિપ આપી હોવાનું બહાર આવ્યું છે.

અમદાવાદની ઋષભ જ્વેલર્સના કર્મચારીઅશોક દેસાઈ સહિત ત્રણ કર્મચારીઓ મંગળવારે આશરે 6 કરોડના સોના-ચાંદીના દાગી અને હીરા લઈ બનાસકાંઠા જિલ્લામાં વેચાણ કરવા માટે નીકળ્યા હતા. હીરા અને દાગીના કારની સીટ નીચે બનાવેલા ગુપ્ત ખાનામાં રાખ્યા હતા. અમદાવાદથી પાલનપુર અને પાલનપુરથી ડીસા અલગ અલગ જ્વેલર્સની મુલાકાત લઈ કર્મચારીઓ ડીસાથી અમદાવાદ પરત આવવા નીકળ્યા હતા. ત્યારે પાલનપુરના ચડોતર ઓવરબ્રિજ પાસે તેમની કારને ફિલ્મી ઢબે ઓવરટેક કરી કાર તેમની કારની આડે નાખી ચાર શખ્સોએ કાર સાથે અપહરણ કરી ચોરખાના પૈકીના એક ચોરખાનામાં રહેલા 3 કરોડની કિંમતના સોના-ચાંદીના દાગી અને હીરાની લૂંટ ચલાવી હતી જ્યારે અન્ય એક ખાનામાં રહેલા દાગીના સુરક્ષિત ત્યાં જ પડ્યા રહ્યા હતા. લૂંટારુઓએ તમામ કર્મચારીઓ પાસેથી તેમના મોબાઈલ ફોન ઝૂંટવી કોરોલા કારમાં બેસી ફરાર થઈ ગયા હતા.અશોક દેસાઈ સહિતના કર્મચારીઓએ એક રાહદારીને રોકી તેમના મોબાઈલમાંથી પોતાના શેઠને લૂંટ અંગે જાણ કરી હતી. બનાવની જાણ થતાં પોલીસ ઘટના સ્થળે પહોંચી હતી અને જિલ્લામાં નાકાબંધી કરી સીસીટીવીના આધારે લૂંટારુની કારના નંબર મળ્યા હતા.

એક કોરોલા જીજે-24-એકયું-6341 હોવાનું ખૂલ્યું હતું જે કાર ચૌધરી રોહિત દેવરાજભાઈની હોવાનું જાણવા મળ્યા બાદ લૂંટરુ ઓળખાયા અને મુખ્ય સૂત્રધાર કમલેશ દેવરાજભાઈ રબારી, રોહિતભાઈ દેવરાજભાઈ ચૌધરી, વિપુલ દેવચંદભાઈ જોષી, રમેશ શંકરલાલ ગોહિલ, આનંદ ઉર્ફે દેવજી ભલાભાઈ દેસાઈ અને હિતેષ કનુભાઈ વઢેરની ધરપકડ કરી હતી. પૂછપરછમાં કરોડો રૂપિયાના દાગીનાની લૂંટ માટે ઋષભ જ્વેલર્સના ભૂતપૂર્વ કર્મચારીએ જ ટિપ આપી હોવાનું બહાર આવ્યું છે. પોલીસે સાગરભાઈ રેવાભાઈ રબારી અને સુરેશભાઈ અમરતભાઈ રબારીની શોધખોળ શરૂ કરી હતી. સાગર રબારી બે મહિના પહેલાં ઋષભ જ્વેલર્સમાંથી નોકરી છોડી દીધી હતી. પેઢીના સેલ્સમેન કઈ રીતે કેટલા દાગીના લઈને વેચાણ માટે જતા હોય તે બાબતની તેને જાણકારી હતી. નોકરી છોડ્યા બાદ સાગરે અન્ય આરોપીઓ સાથે મળી લૂંટનું પ્લાનિંગ શરૂ કર્યું હતું.

રાજકોટથી 10 કરોડનો વીમા લેવાયો હતો
અમદાવાદના સીજી રોડ પર આવેલી ઋષભ જ્વેલર્સના કર્મચારીને બનાસકાંઠા જિલ્લાના પાલનપુર નજીક આંતરી 3 કરોડના દાગીના અને હીરાની થયેલી લૂંટનો ગણતરીના કલાકોમાં જ ભેદ ઉકેલાઈ ગયો છે. લૂંટ ચલાવનાર 6 લૂંટારુઓને પાટણ પોલીસે ઝડપી પાડ્યા હતા. અને લૂંટમાં ગયેલા 3 કરોડ રૂપિયાના 3 કિલો દાગીના પણ કબજે કર્યા છે. આરોપીઓ લૂંટને અંજામ આપવા માટે છેલ્લા બે મહિનાથી પ્લાનિંગ કરી રહ્યા હોવાનું સામે આવ્યું છે. સીજી રોડ પર આવેલી ઋષભ જ્વેલર્સના માલિક દ્વારા આ દાગીના અને હીરાનો 10 કરોડનો વીમો લેવામાં આવ્યો હોવાનું જાણવા મળ્યું છે. રાજકોટના એજન્ટ મારફતે આ 10 કરોડનું વીમા કવચ આપાયું હોય આ લૂંટની ઘટનાની જાણ થતાં રાજકોટના એજન્ટ પાટણ દોડી ગયા હતા.