હોટલ પેટ્રીયા સ્યૂટમાં બીજા માળે આગ ભભૂકી

કાલાવડ રોડ તથા રામાપીર ચોકડી ફાયર સ્ટેશનનો સ્ટાફ દોડી જઈ આગ પર કાબૂ મેળવ્યો

શહેરના એરપોર્ટ રોડ પર આવેલી હોટલ પેટ્રીયા સ્યૂટમાં
બીજા માળે અચાનક આગ ભભૂકી ઉઠી હતી.આગને લઇને હોટેલમાં નાસભાગ મચી જવા પામી હતી. ફાયર બ્રિગેડનો સ્ટાફે ૩૦ મિનિટ સુધી જહેમત ઉઠાવી આગ પર કાબુ મેળવ્યો હતો

ઘટનાની વિગત મુજબ, હોટલના બીજા માળે આવેલા
સ્ટોર રૂમમાં રાખેલ બેડશીટ, વોશીંગ માટેના હોટલના અન્ય કપડાઓમાં આગ લાગી બાદ થોડિક જ ક્ષણોમાં આગને લઈ ધૂમાડાના ગોટેગોટા નીકળવા લાગ્યા હતા. કપડા હોવાથી આગ જલ્દી પ્રસરવા લાગી હતી જોકે હોટલની કાયર સિસ્ટમ એકવીટ કરીને આગ આગળ પ્રસરતી અટકાવવા પ્રયાસ કરાયા હતા. આગ વિશે જાણકારી મળતાં કાલાવડ રોડ તેમજ રામાપીર ચોકડી ફાયર સ્ટેશનનો સ્ટાફ સાથે બે ફાયર ફાઈટર ધસી આવી આગ પર કાબૂ મેળવ્યો હતો. ફાયર બ્રિગેડના સ્ટાફે શોર્ટ સર્કિટના કારણે આગ લાગી હોય તેવું અનુમાન લગાવ્યું હતું. જોકે આ ઘટનામાં મોટી કોઈ જાનહાનિ ટળતા સૌએ રાહતનો શ્વાસલીધો હતો.