સિવિલ કોર્ટ માંથી રાઉન્ડ સીલની ચોરી કરનાર
નિવૃત મહિલા કર્મચારી અને પુત્રની ધરપકડ
વોઇસ ઓફ ડે રાજકોટ
સિવિલ કોર્ટમાં રજિસ્ટ્રારની ઓફિસમાંથી રાઉન્ડ સીલની થયેલી ચોરીમાં કોર્ટની નિવૃત મહિલા કર્મચારી અને તેના પુત્રની પોલીસે ધરપકડ કરી હતી. કોર્ટ બિલ્ડિંગમાં પ્રિન્સિપાલ સિનિયર સિવિલ કોર્ટ રજિસ્ટ્રારની ઓફિસમાં ગત તા.11ની બપોરે બાર વાગ્યાના અરસામાં રજિસ્ટ્રારની નજર ચૂકવી કોઇ કોર્ટનો રાઉન્ડ સીલ સિક્કો ચોરી થયો હતો જેમાં રજિસ્ટ્રાર ભાવેશભાઇ બી.મહેતાએ પોલીસ ફરિયાદ નોંધાવી હતી. બનાવમાં ઓફિસના સીસીટીવી કેમેરા ચેક કરતા મહિલા દેખાઈ હતી. તપાસ દરમિયાન અગાઉ રાજકોટ ડિસ્ટ્રિક્ટ કોર્ટ ઉપરાંત ક્રિમિનલ અને સિવિલ કોર્ટમાં નોકરી કરી ચૂકેલી હાલ નિવૃત રેખા સુબ્બારાવ અને તેના પુત્રને પોલીસે સકંજામાં લઈ શા માટે સિક્કાની ચોરી કરી તે અંગે પૂછપુરછ હાથ ધરાઈ છે.
