લાઈફ ઇન્સ્યોરન્સ ભરવાના નામે કાર શોરૂમના

મેનેજર સાથે 60 હજારની છેતરપિંડી

વોઇસ ઓફ ડે રાજકોટ

રાજકોટમાં બાલકૃષ્ણ સોસાયટીમાં રહેતા પટેલ યુવાન પાસેથી લાઈફ ઇન્સ્યોરન્સ ભરવા ઓટીપી મેળવી ગાંઠિયાએ 60 હજારની છેતરપિંડી કરી હોવાની ફરિયાદ સાયબર ક્રાઇમમાં નોંધાઈ છે.  
જુના માર્કેટિંગ યાર્ડ સામે સંતકબીર રોડ રોડ બાલકૃષ્ણ સોસાયટી શેરી નંબર.24માં રહેતા અને કટારીયા મારુતિ શોરૂમમાં મેનેજર તરીકે નોકરી રવિભાઈ વશરામભાઈ ચોવટીયા પાસે ડી.બી.એસ. બેન્કનું ક્રેડિટ કાર્ડ છે. ગઈ તા.26/5ના રોજ ડી.બી.એસ બેન્કના કર્મચારીની ઓળખ આપી ક્રેડિટ કાર્ડમાંથી લાઈફ ઇન્સ્યોરન્સના રૂ।.19959 કપાવવાના છે જણાવી તેમની પાસેથી મોબાઈલમાંથી ઓટીપી માંગી પ્રથમ રૂ।.19959 અને બાદમાં રૂ।.40518 ઉપાડી લઈ કુલ રૂ।.60477ની છેટાપિંડી કરી હતી.  આ મામલે સાયબર ક્રાઇમમાં ફરિયાદ બાદ તપાસ કરતાં પૈસા ક્રેડિટ થયા તે દિલ્હીના રવિન્દ્રકુમારનું બેન્ક એકાઉન્ટ છે. હાલ પોલીસની ટીમ દિલ્હી જવા રવાના થશે તેવું જાણવા મળી રહ્યું છે