ડીઝલ કાર પર વધુ 10 ટકા જીએસટીની કોઈ યોજના નથી: ગડકરી

આ પ્રકારના અહેવાલોને મંત્રીએ આપ્યો રદિયો

કેન્દ્રના માર્ગ પરિવહન મંત્રી નીતિન ગડકરીએ એવી ચોખવટ કરી છે કે ડીઝલ કાર પર વધારાની 10 ટકા જીએસટી લગાવવાની કોઈ દરખાસ્ત કે યોજના નથી.

મીડિયામાં એવા અહેવાલો પ્રસિધ્ધ થયા હતા કે ડીઝલ કાર પર વધારાની 10 ટકા જીએસટી લગાવવાની તૈયારી થઈ રહી છે. જો કે ગડકરીએ આ અહેવાલોને રદિયો આપીને કહ્યું હતું કે હાલ તુરત એવી કોઈ દરખાસ્ત નથી.

ડીઝલ વાહનો પર વધારાની ડ્યૂટિ લાગવાની છે તેવા અહેવાલોને એમણે પાયાવિહોણા ગણાવ્યા હતા. અત્યારે આવો કોઈ વિચાર સરકારનો છે જ નહીં તેવી સફાઇ એમણે કરી હતી.