કોકરોચ જનતા પાર્ટી વિરૂધ્ધ ભારતીય જનતા પાર્ટીનો જંગ અલ્હાબાદ હાઇકોર્ટમાં પહોંચ્યો
ભાજપના કાર્યકરે કરી જાહેર હિતની અરજી, આજે સુનાવણી
ડીપ સ્ટેટ ફંડિંગથી યુવાનોને ભડકાવવાનો આરોપ: અભિજીત દીપકેને અમેરિકાથી પરત લાવવાની માંગ
સોશિયલ મીડિયા પર વ્યંગાત્મક આંદોલન તરીકે ઉભરી આવેલી કોકરોચ જનતા પાર્ટી (ઈઉંઙ) હવે કાનૂની ઘેરામાં આવી છે. ભાજપ કાર્યકર એસ. વિગ્નેશ શિશિરે અલ્હાબાદ હાઈકોર્ટમાં જાહેરહિત અરજી દાખલ કરીને ઈઉંઙ અને તેના સ્થાપક અભિજીત દીપકે સામે બહુ-એજન્સી તપાસની માંગ કરી છે. સાથે જ અમેરિકામાં રહેલા દીપકેને ભારત પરત લાવવા પ્રત્યાર્પણ કાર્યવાહી શરૂ કરવાની અપીલ પણ કરવામાં આવી છે.
જસ્ટિસ શેખર બી. સરાફ અને જસ્ટિસ અભદેશ કુમાર ચૌધરીની ખંડપીઠ સમક્ષ મંગળવારે આ અરજીની સુનાવણી થવાની છે. અરજીમાં ઈઉંઙના ફેસબુક, ઇન્સ્ટાગ્રામ, યુટ્યુબ, ટેલિગ્રામ, વોટ્સએપ અને સિગ્નલ સહિતના તમામ સોશિયલ મીડિયા એકાઉન્ટ બ્લોક કરવાની માંગ કરવામાં આવી છે.
આ પણ વાંચો: વડાપ્રધાન મોદી ૧૦ જૂને પંડિત નહેરૂનો રેકોર્ડ તોડશે
અરજદારનો આક્ષેપ છે કે ઈઉંઙ દ્વારા સુપ્રીમ કોર્ટની ટિપ્પણીઓનો ખોટો અર્થઘટન કરીને સરકાર અને ન્યાયતંત્ર વિરુદ્ધ યુવાનોને ઉશ્કેરવાનો પ્રયાસ થઈ રહ્યો છે. અરજીમાં કહેવામાં આવ્યું છે કે આ એક “વિદેશી ફંડેડ માહિતી યુદ્ધ” છે અને તેની પાછળ “ડીપ સ્ટેટ” પ્રકારની શક્તિઓ કાર્યરત છે.
અરજીમાં કેન્દ્ર ગૃહ મંત્રાલયની દેખરેખ હેઠળ જઈંઝ રચવાની માંગ સાથે ગઈંઅ અને ઊઉ દ્વારા ફોજદારી કેસ નોંધવાની માંગ પણ કરવામાં આવી છે. સાથે જ અભિજીત દીપકે સામે લુકઆઉટ સર્ક્યુલર જાહેર કરીને તેમને અમેરિકા પરથી ભારત લાવવાની કાર્યવાહી હાથ ધરવા અપીલ કરવામાં આવી છે. અરજદારે એવો પણ દાવો કર્યો છે કે દિલ્હીના પૂર્વ મુખ્યમંત્રી અરવિદ કેજરીવાલ આ સમગ્ર ઓનલાઇન આંદોલન પાછળ “અદૃશ્ય હાથ” તરીકે કાર્યરત હોઈ શકે છે. અરજીમાં કહેવામાં આવ્યું છે કે સોશિયલ મીડિયા મારફતે યુવાનોને સરકાર અને ન્યાયતંત્ર વિરુદ્ધ સંગઠિત કરવાનો પ્રયાસ દેશ વિરૂદ્ધ યુદ્ધ સમાન છે.
અરજીમાં કઈ કઈ માંગણીઓ ?
ઈઉંઙ અને અભિજીત દીપકેના તમામ સોશિયલ મીડિયા એકાઉન્ટ બ્લોક કરાવવા
ફેસબુક, ઇન્સ્ટાગ્રામ, યુટ્યુબ, ટેલિગ્રામ, વોટ્સએપ, સિગ્નલ પરથી ક્નટેન્ટ દૂર કરાવવું
ગૃહ મંત્રાલયની દેખરેખ હેઠળ જઈંઝ રચવી
ગઈંઅ અને ઊઉ દ્વારા ફોજદારી તપાસ શરૂ કરાવવી
અભિજીત દીપકે સામે લુકઆઉટ સર્ક્યુલર જાહેર કરવું
અમેરિકામાંથી પ્રત્યાર્પણ કાર્યવાહી શરૂ કરવી
ઈઉંઙ ને “વિદેશી ફંડેડ માહિતી યુદ્ધ” તરીકે તપાસ હેઠળ લાવવું
દરેક આંદોલનકારી સામે સમાન આક્ષેપ ડીપ સ્ટેટ ફંડ, સરકાર ઉથલાવવાનું કાવતરૂ..!
છેલ્લા કેટલાક વર્ષોમાં કેન્દ્ર સરકાર અથવા ન્યાયતંત્ર સામે ઉભરતા લગભગ દરેક ઓનલાઈન અથવા રસ્તા પરના આંદોલન સામે “વિદેશી ફંડિગ”, “ડીપ સ્ટેટ કનેક્શન” અને “દેશવિરોધી કાવતરૂ” જેવા આક્ષેપો સામાન્ય બન્યા છે. કોકરોચ જનતા પાર્ટી વિવાદમાં પણ એ જ પ્રકારના આરોપો ફરી આગળ આવ્યા છે. અરજદારે ઈઉંઙને “વિદેશી માહિતી યુદ્ધ” ચલાવતી સંસ્થા ગણાવી છે અને સોશિયલ મીડિયા મારફતે યુવાનોને સરકાર વિરુદ્ધ ભડકાવવાનો પ્રયાસ થતો હોવાનો દાવો કર્યો છે. અગાઉ પણ વિવિધ વિદ્યાર્થી આંદોલનો, છઝઈં કાર્યકરો, ખેડૂત આંદોલન અને ઓનલાઈન અભિયાનો સામે આવી જ ભાષામાં આક્ષેપો થયા હતા. હવે ઈઉંઙ મામલો પણ એ જ રાજકીય-કાનૂની દલીલોના કેન્દ્રમાં આવી ગયો છે.
