અમેરિકી પ્રમુખ પદ અંગે જ્યોતિષીએ શું કહ્યું ? કોણ બનશે પ્રમુખ ? જુઓ

અગાઉ પણ આ મહિલા જ્યોતિષીની આગાહીઓ સાચી પડી ચૂકી છે, બાયડન ખસી જશે તેવી આગાહી પણ કરેલી

બાયડન અમેરિકાના પ્રમુખ પદની ચૂંટણીમાંથી ખસી ગયા છે ત્યારથી અમેરિકામાં પ્રમુખ પદની ચૂંટણીને લગતી ચર્ચા રસપ્રદ બની છે. દરમિયાન જ્યોતિષીઓની આગાહીઓ પણ સામે આવવા લાગી છે. એમી ટ્રિપ નામની પ્રસિદ્ધ મહિલા જ્યોતિષીએ ભવિષ્યવાણી કરી છે કે અમેરિકાના આગામી રાષ્ટ્રપતિ કોણ હશે? એમણે કરેલી આગાહીઓ આ પહેલા પણ સાચી પડી છે. આ બારામાં ઘણી ચર્ચા શરૂ થઈ છે અને નેતાઓ આ મહિલાને મળવા માટે ઉત્સુક છે.

મહિલા જ્યોતિષનું કહેવું છે કે અમેરિકી રાષ્ટ્રપતિની ચૂંટણીમાં ડોનાલ્ડ ટ્રમ્પ જીતશે. તેની પાછળ તેણે જ્યોતિષીય ગણતરીઓનો હવાલો આપ્યો છે. તેમનો દાવો છે કે ટ્રમ્પનું યુરેનસ મિડહેવનમાં છે. આ તેની કારકિર્દી અને લક્ષ્યો વિશે અનિશ્ચિતતા દર્શાવે છે.

અગાઉ આ 40 વર્ષીય જ્યોતિષીએ જો બાયડન વિશે સચોટ ભવિષ્યવાણી કરી હતી. તેણે કહ્યું હતું કે તેઓ રાષ્ટ્રપતિની ચૂંટણીની રેસમાંથી ખસી જશે. બાદમાં બાયડને પણ એવું જ કર્યું. ત્યારથી એમી ટ્રિપ સોશિયલ મીડિયા પર વાયરલ થઈ ગઈ છે. એટલું જ નહીં, તેણે એવી આગાહી પણ કરી હતી કે બાયડનના ખસી ગયા પછી કમલા હેરિસ રાષ્ટ્રપતિ બનવાની રેસમાં આગળ હશે.

અગાઉ આ મહિલા જ્યોતિષીએ જો બાઈડેન વિશે સચોટ ભવિષ્યવાણી કરી હતી. એમી ટ્રિપે તેના એક્સ હેન્ડલના બાયોમાં પોતાને ઇન્ટરનેટની સૌથી કુખ્યાત જ્યોતિષી તરીકે વર્ણવી છે. X પર તેની પ્રોફાઇલનું નામ સ્ટારહીલ છે. એમીએ તેના એક્સ હેન્ડલ પર લખ્યું છે કે અગાઉ પણ હું અમેરિકી રાષ્ટ્રપતિની ચૂંટણી વિશે ભવિષ્યવાણીઓ કરતી રહી છું. મારો દાવો છે કે મારી આગાહીઓ સંપૂર્ણ રીતે સાચી સાબિત થઈ છે.