ઇઝરાયલના હુમલામાં હિઝબુલ્લાહનો કમાન્ડર ઠાર

ઇઝરાયેલે તેના દુશ્મનો સામે આક્રમક હુમલાઓ ચાલુ રાખ્યા છે. હવે લેબનીઝ ઉગ્રવાદી સંગઠન હિઝબુલ્લાહના અલ-હજ રદવાન ફોર્સના ટોચના કમાન્ડર માર્યા ગયા છે. હિઝબુલ્લાએ કસાબના મોતની પુષ્ટિ કરી છે. જો કે તેમની પોસ્ટ કે રેન્ક અંગે કોઈ માહિતી આપવામાં આવી નથી. બીજી બાજુ હિઝબુલ્લાહે ઇઝરાયલ પર 55 રોકેટ ફેકયા હતા.

ઈઝરાયેલી સેનાએ ડ્રોન હુમલાના ફૂટેજ જાહેર કર્યા હતા અને દાવો કર્યો છે કે તેમાં હુસૈન ઈબ્રાહિમ કસાબ માર્યો ગયો છે. ‘ધ ટાઈમ્સ ઓફ ઈઝરાયેલ’ના અહેવાલ મુજબ કસાબ તે સમયે મોટરસાઈકલ પર જઈ રહ્યો હતો. તે લેબનોનના ટાયર શહેરમાંથી પસાર થઈ રહ્યો હતો ત્યારે ઈઝરાયેલે તેને ડ્રોન હુમલામાં મારી નાખ્યો. ઈઝરાયેલની સેનાનું કહેવું છે કે 7 ઓક્ટોબરથી અત્યાર સુધીમાં 412 હિઝબુલ આતંકવાદીઓ માર્યા ગયા છે. કસાબ પણ તેમાંથી એક છે.

55 રોકેટ છોડ્યા
દરમિયાન, હિઝબુલ્લાએ ઉત્તરી ઇઝરાયેલ પર 55 રોકેટ છોડ્યા હતા. આ હુમલો ઈઝરાયેલના હવાઈ હુમલાના જવાબમાં કરવામાં આવ્યો હતો. દક્ષિણ લેબનોનના નાબાતિયા શહેર નજીક ઈઝરાયેલના હુમલામાં 10 લોકો માર્યા ગયા હતા. ઈઝરાયેલી સેનાનું કહેવું છે કે હિઝબુલ્લાહના કેટલાક રોકેટ ખુલ્લા વિસ્તારોમાં પડ્યા હતા.