ગનમેનની ઉપસ્થિતિ અંગે જાણ કર્યા છતાં ટ્રમ્પને સ્ટેજ ઉપર થી નીચે ન ઉતારાયા ?

ડોનાલ્ડ ટ્રમ્પની સુરક્ષામાં ગંભીર છીંડાનો આક્ષેપ

હુમલાખોર સફા સ્થળ નજીકની છત પર પહોંચી કઈ રીતે ગયો?

અમેરિકાના ભૂતપૂર્વ પ્રમુખ ડોનાલ્ડ ટ્રમ્પની હત્યાના નિષ્ફળ પ્રયાસ પછી હવે તેમની સુરક્ષા વ્યવસ્થામાં ગંભીર છીંડા રહી ગયા હોવાનો આક્ષેપ થઈ રહ્યો છે. એ ઘટના સમયે ઉપસ્થિત ટ્રમ્પના એક સમર્થકે સભા સ્થળ નજીકના જ ઈમારતની છત ઉપર ગનમેન ઉપસ્થિત હોવા અંગે તેમણે સુરક્ષા કર્મીઓને જાણ કરી હોવા છતાં કોઈ પગલા લેવાયા ન હોવાની જુબાની આપી હતી.
બીબીસી સાથે વાત કરતા એ શખ્સે જણાવ્યું કે મંચથી માત્ર 50 ફૂટ દૂર આવેલી ઈમારતની છત ઉપર હુમલાખોર ગનમેનને શરીર ઢસડી અને પોઝીશન લેતા મેં અને અન્ય લોકોએ નિહાળ્યો હતો. તેમણે કહ્યું કે મેં આ અંગે એ સ્થળે તેનાત સુરક્ષા કર્મીઓને જાણ કરી હતી પરંતુ તેમણે કોઈ દરકાર ન લીધી.

ઘટનાના એ સાક્ષી એ કહ્યું કે હું બે ત્રણ મિનિટ સુધી છત ઉપર ઉપસ્થિત એ હુમલાખોર સામે આંગળી ચિંધી ને બીજી છત ઉપર રહેલા સુરક્ષા કર્મીઓને ઈશારો કરતો રહ્યો. સુરક્ષા કર્મીઓ પણ મારી તરફ જોતા રહ્યા પરંતુ કોઈ પગલાં ન લેવાયા.
તેણે ઉમેર્યું,’ હું વિચારતો હતો કે ડોનાલ્ડ ટ્રમ્પ હજુ પણ કેમ ભાષણ આપી રહ્યા છે? શા માટે સુરક્ષા ક્રમીઓ તેમને સ્ટેજથી નીચે નથી ઉતારી દેતા? બસ! એ પછી તુરંત જ ગોળીબારના પાંચ વાત સંભળાયા’.
ઘટના સ્થળના વાયરલ થયેલા ફોટા અને વીડિયોમાં પણ સભાસ સ્થળે ઉપસ્થિત શ્રોતાઓમાંથી અનેક લોકો હુમલાખોર તરફ જોતા હોય તેવા દ્રશ્યો દેખાય છે.

આ બનાવ બાદ અનેક સવાલો ઉપસ્થિત થયા છે. ડોનાલ્ડ ટ્રમ્પ જેવી હસ્તી સંબોધન કરવાની હોય ત્યારે એ સ્થળની બિલકુલ નજીકના ઇમારતની છત ઉપર હુમલાખોર પહોંચી જ કઈ રીતે શક્યો તેવો સવાલ થઈ રહ્યો છે. એ જ રીતે ટ્રમ્પના સ્ટેજની પાછળના ભાગમાં આવેલ ઈમારતની છત ઉપર સિક્રેટ સર્વિસના સ્નાઇપર તેનાત હતા પણ એ સ્થળ આસપાસની અન્ય ઇમારતોની છતો ઉપર કેમ બંદોબસ્ત નહોતો ગોઠવાયો તેવો સવાલ પણ થઈ રહ્યો છે.