બ્રિટનમાં હવાઈ સેવા બંધ પડી ગઈ
એર ટ્રાફિક નેટવર્ક ફેલ થઈ ગયા નું કારણ અપાયું, એન્જિનિયરો સાંજે ધંધે લાગ્યા હતા
બ્રિટનમાંથી આજે એર ટ્રાફિક નેટવર્ક ફેલ થઈ જવાને કારણે તમામ ફ્લાઈટો બંધ કરી દેવામાં આવી હતી. બ્રિટને તેના તમામ એરપોર્ટ પર એર ટ્રાફિક બંધ કરી દીધો હતો. તમામ ફ્લાઈટો બંધ કરવાનું કારણ ટેકનિકલ ખામી હોવાનું જણાવ્યું છે, જેના કારણે દેશભરના એર ટ્રાફિક કંટ્રોલર્સ ટેકનિકલ ખામીની સમસ્યાનો સામનો કરી રહ્યું હતુ. આજે સાંજે એવી જાહેરાત કરવામાં આવી હતી કે કોઈ ફ્લાઈટ લેન્ડ કે ટેક ઓફ કરી શકી નથી.
બીજી તરફ સ્કાઈ ન્યૂઝના અહેવાલો મુજબ બ્રિટન બહારની ફ્લાઈટો ધરાવતા એરલાઈન્સના મુસાફરોને જણાવાયું છે કે, એર ટ્રાફિકને કંટ્રોલ કરનાર નેટવર્ક બંધ કરી દેવાયું છે, જેના કારણે તેમની ફ્લાઈટ મોડી પડશે..
બ્રિટનમાં એર ટ્રાફિક બંધ થવાના અહેવાલો વાયુવેગે ફેલાતા દેશના તમામ એરપોર્ટ પર અફરતફરીનો માહોલ સર્જાયો હતો. ઉપરાંત દેશના મોટાભાગના એરપોર્ટો પર મુસાફરોનો પણ ટ્રાફિક વધી ગયો છે.
રાષ્ટ્રીય હવાઈ ટ્રાફિક નિયંત્રક – NATSએ કહ્યું કે, અમે હાલ એક ટેકનિકલ સમસ્યાનો સામનો કરી રહ્યા છીએ અને સુરક્ષાના કારણોસર તમામ ફ્લાઈટોના આવવા-જવા પર પ્રતિબંધ લગાવી દેવાયો છે. હાલ એન્જિનિયરો ટેકનિકલ ખામીને શોધી રહ્યા હતા અને તેના પર ઝડપી કામગીરી કરી રહ્યા છે. આ અસુવિધાના કારણે અમે માફી માંગીએ છીએ.
