Appleની મોટી જાહેરાત…હવે iPhoneમાં પણ થઈ શકશે કોલ રેકોર્ડિંગ
એપલે આખરે એ ફીચરની જાહેરાત કરી છે જેની વપરાશકર્તાઓ લાંબા સમયથી રાહ જોઈ રહ્યા હતા. આપણે અહી વાત કરી રહ્યા છીએ iPhone માં કોલ રેકોર્ડિંગ વિશે. અત્યાર સુધી આઈફોન યુઝર્સને આ ફીચર મેળવવા માટે ઘણી ટ્રીક કરવી પડતી હતી, પરંતુ હવે તેમને આ ફીચર સીધુ ફોન એપમાં મળશે. ચાલો જાણીએ તેના વિશે.
10 જૂનના રોજ યોજાયેલ Apple WWDC 2024માં ઘણી મોટી જાહેરાતો કરવામાં આવી હતી. કંપનીએ આ ઇવેન્ટમાં Apple Intelligenceને iOS 18 વિશે માહિતી આપી છે. જો કે, આ સમગ્ર કાર્યક્રમની સૌથી આગવી વિશેષતા iPhone પર કોલ રેકોર્ડિંગનું આગમન છે. એટલે કે હવે યુઝર્સ iPhone પર પણ કોલ રેકોર્ડિંગ કરી શકશે.
કંપનીએ AI એન્હાન્સ્ડ કોલ રેકોર્ડિંગનું ફીચર ઉમેર્યું છે, જેને ફોન એપથી સીધા જ એક્સેસ કરી શકાય છે. આ માટે તમારે અન્ય કોઈ એપની જરૂર નહીં પડે. આઈફોનમાં પહેલા કોલ રેકોર્ડિંગ ફીચર ઉપલબ્ધ નહોતું, જેના કારણે ઘણા યુઝર્સ પરેશાન હતા.
યુઝર્સની પ્રાઈવસીનું પણ ધ્યાન રાખવામાં આવ્યું
એપલના સોફ્ટવેર એન્જિનિયર ક્રેગ ફેડેરીગીએ ઈવેન્ટમાં આ ફીચર વિશે માહિતી આપી હતી. ટૂંક સમયમાં iPhone યુઝર્સને એન્ડ અને મ્યૂટ બટન સાથે કોલ રેકોર્ડિંગનો વિકલ્પ મળશે. કંપનીએ યુઝર્સની પ્રાઈવસીનું પણ ધ્યાન રાખ્યું છે.
જેમ જેમ કોઈ વ્યક્તિ રેકોર્ડિંગ ચાલુ કરશે કે તરત જ અન્ય પક્ષને તેના વિશે માહિતી મળી જશે. આ ફીચર એન્ડ્રોઇડમાં ઉપલબ્ધ કોલ રેકોર્ડિંગ ફીચરની જેમ જ કામ કરે છે. જો તમે ગૂગલની ફોન એપનો ઉપયોગ કરો છો, તો તેમાં પણ રેકોર્ડિંગ કરવાથી અન્ય વપરાશકર્તાઓની માહિતી ઉપલબ્ધ થઈ જાય છે.
અન્ય ઘણી સુવિધાઓ પણ સામેલ છે
જો કે, એ જાણી શકાયું નથી કે કોલ રેકોર્ડિંગ અથવા તેનું નોટિફિકેશન ફીચર ફક્ત iPhone થી iPhone પર જ કામ કરશે અથવા બધા ફોન પર કામ કરશે. કૉલ સમાપ્ત થયા પછી તમે નોટ્સ એપ્લિકેશનમાંથી આ રેકોર્ડિંગને ઍક્સેસ કરી શકશો.
આ સિવાય Appleએ હવે ChatGPT ને Siri સાથે ઈન્ટિગ્રેટ કર્યું છે. તમે સિરીની મદદથી ChatGPT પરથી કોઈપણ પ્રશ્નનો જવાબ પૂછી શકશો. જો કે, આ સુવિધાનો ઉપયોગ કરવા માટે, તમારે દર વખતે ChatGPTનો ઉપયોગ કરવા માટે Siriને પરવાનગી આપવી પડશે. ટૂંક સમયમાં વપરાશકર્તાઓ iOS 18 સાથે આ સુવિધાઓને ઍક્સેસ કરી શકશે.