“બરજખ”નું ટીઝર રિલીઝ: આંખમાં કાજળ લગાવતો નજર આવ્યો અભિનેતા

ટીઝરમાં રહસ્ય વધારતું સંગીત: ફેન્સ થયા ખુશ

પાકિસ્તાની એક્ટર ફવાદ ખાન અને સનમ સઇદ 12 વર્ષ બાદ ફરી એકવાર સાથે આવી રહ્યા છે. બંને નવી વેબ સિરીઝ “બરજખ” લઈને આવ્યા છે. જેનું શાનદાર ટીઝર પણ રિલીઝ થઈ ગયું છે. જેને જોઈને ભારતીય ફેન્સ પણ ખુશ જોવા મળી રહ્યા છે. 

જીંદગી ગુલઝાર હૈ બાદ ફવાદ ખાન અને સનમ સઇદ ફરી સાથે જોવા મળવાના છે. તેમની નવી સિરીઝ “બરજખ”નું ટીઝર સામે આવ્યું છે. જેમાં પ્રેમ અને રહસ્યથી ભરેલી એક વાર્તાનું ચિત્ર જોવા મળે છે. “બરજખ”ના ટીઝરમાં એક્ટર પોતાની આંખમાં કાજળ લગાવતો નજરે પડે છે. આમાં કોઈ ડાઈલોગ નથી પરંતુ દિલચસ્પ મ્યુઝિક છે. જે સસ્પેન્સ વધારે છે.

ટીઝરને એક કેપ્સન સાથે પોસ્ટ કરવામાં આવ્યું છે. જેમાં લખ્યું હતું, આંખો રહસ્યથી ભરેલી છે, અંદરના રહસ્યોને ઉજાગર કરવા તૈયાર છે. જ્યારે બાકી બધુ સુકાઈ જશે ત્યારે પ્રેમ કાયમ રહેશે? આગળ લખ્યું હતું કે, ટ્રેલર 1 જુલાઇએ લોન્ચ થઈ રહ્યું છે. શું તમે પ્રવાસ માટે તૈયાર છો? બરજખનું પ્રીમિયર 19 જુલાઇએ જીંદગી યુટ્યુબ અને જી-5 પર થશે.