થિયેટરો બાદ OTT પર રીલીઝ થઈ સસ્પેન્સ થ્રિલર ફિલ્મ ‘savi’ : આ પ્લેટફોર્મ જોઈ શકશો ફિલ્મ
- ફિલ્મમાં પતિને નિર્દોષ સાબિત કરવા લડાઈ કરતી મહિલાની છે વાર્તા
વોઇસ ઓફ ડે,
દિવ્યા ખોસલા અને અનિલ કપૂરની ફિલ્મ “સાવી” થિયેટરમાં ખાસ કમાલ કરી શકી ન હતી. જો તમે શાનદાર વાર્તાવાળી આ ફિલ્મ જોવાનું ચૂકી ગયા હોય તો તમારા માટે સારા સમાચાર છે. તમે આ ફિલ્મ હવે ઓટીટી પર જોઈ શકશો.
અભિનવ દેવના ડાયરેક્શનમાં બનેલી સસ્પેન્સ થ્રિલર ફિલ્મ “સાવી” એક મજબૂત મહિલા સાવિત્રીની દિલચસ્પ વાર્તા છે. જેનું પાત્ર દિવ્યા ખોસલાએ ભજવ્યું છે. શુક્રવારે સ્ટ્રીમિંગ પ્લેટફોર્મ નેટફલિકસ ઈન્ડિયાએ પોતાના ઇન્સ્ટાગ્રામ હેન્ડલ પર આ ફિલ્મનું પોસ્ટર રિલીઝ કર્યું હતું. જેમાં દિવ્યા અને હર્ષવર્ધન રાણે છે.
પોસ્ટ સાથે કેપ્શનમાં લખવામાં આવ્યું છે કે, જેલથી ભાગવાનું રહસ્ય, લાગણી અને હ્રદયથી ભરેલું છે. ‘સાવી’ હવે નેટફલિકસ પર જોવો. આ ફિલ્મની વાર્તા 2010ની અમેરિકન એક્શન થ્રિલર ફિલ્મ ‘ધ નેક્સ્ટ થ્રી ડેઝ’ ફિલ્મ પર આધારિત છે. “સાવી”માં અભિનેત્રી પોતાના પતિ નકુલ સચદેવા અને પોતાના દીકરા સાથે એક સુખી જીવન જીવે છે. જો કે તેમની શાંતિ ત્યારે ભંગ થાય છે જ્યારે નકુલને પોલીસ પકડી જાય છે. પછી એક પત્ની પોતાના પતિને નિર્દોષ સાબિત કરવા એક મિશન પર નીકળી પડે છે. તમને જણાવી દઈએ કે, ફિલ્મ ‘સાવી’ નેટફલિકસ પર રિલીઝ કરી દેવામાં આવી છે.
