એક સમયે સલમાન ખાને શાહરૂખ ખાનને મારી હતી લાત ? શું બની હતી ઘટના, વાંચો રસપ્રદ કિસ્સો
બોલીવુડના કિંગ ખાન અને બોલીવુડના ભાઈજાનને ભાગ્યે જ કોઈ હશે જે નહિ ઓળખતું હોય. દેશ વિદેશના લોકો પર આ બન્ને સિતારા રાજ કરી રહ્યા છે. બોલીવુડ સેલીબ્રિટીઝ સાથે જોડાયેલી કોઈ પણ ખબર જાણવા માટે લોકો ઉત્સુક હોય છે. તેમાં પણ તેમના સિક્રેટ જાણવામાં લોકોને વધુ રસ પડતો હોય છે ત્યારે શાહરૂખ ખાન અને સલમાનના અનેક સિક્રેટ છે જેમાંનો એક કિસ્સો અમે તમને જણાવીશું.
આ રસપ્રદ વાત સલમાન ખાને તેના એક ઈન્ટરવ્યુમાં શેર કરી હતી. અભિનેતાએ જણાવ્યું હતું કે જ્યારે તે શાહરૂખ ખાન સાથે ફિલ્મ ‘કરણ અર્જુન’નું શૂટિંગ કરી રહ્યો હતો. પછી અમારી સાથે એક ખૂબ જ રમુજી ઘટના બની. સલમાન ખાને કહ્યું કે એક દિવસ મારો ભાઈ સોહેલ શૂટિંગ માટે આવ્યો હતો અને તે ત્યાં જ રોકાયો હતો. જે બાદ મારે શાહરૂખ સાથે બેડ શેર કરવો પડ્યો હતો. જ્યારે અમે સૂતા હતા ત્યારે શાહરુખ પહેલા સૂઈ ગયો અને મારી બાજુમાં સૂતો હતો ત્યારે તેણે નસકોરાં લેવાનું શરૂ કર્યું.
સલમાને કહ્યું કે, શાહરૂખ ખાનના નસકોરાનો અવાજ એટલો બધો હતો કે હું તે સહન ન કરી શક્યો અને મેં શાહરૂખને લાત મારીને તેને બેડ પરથી નીચે પાડી દીધો. આ માત્ર એક રમુજી વાર્તા છે. આ પછી અમે પણ ખૂબ હસ્યા.
તમને જણાવી દઈએ કે આ ફિલ્મમાં શાહરૂખ ખાન અને સલમાન ખાને ભાઈઓની ભૂમિકા ભજવી હતી. જેમનો પુનર્જન્મ થાય છે. આ ફિલ્મમાં કાજોલ અને મમલા કુલકર્ણી પણ હતા. તે સમયગાળા દરમિયાન આ ફિલ્મ બ્લોકબસ્ટર હિટ રહી હતી.
વર્ક ફ્રન્ટની વાત કરીએ તો શાહરૂખ ખાન છેલ્લે ફિલ્મ ડંકીમાં જોવા મળ્યા હતો. હવે એક્ટર ટૂંક સમયમાં કોઈ મોટા પ્રોજેક્ટ સાથે કામ કરતા જોવા મળશે. સલમાન ખાનની વાત કરીએ તો તે છેલ્લે કેટરીના કૈફ અને ઈમરાન હાશ્મી સાથે ફિલ્મ ‘ટાઈગર 3’માં જોવા મળ્યો હતો. હવે ટૂંક સમયમાં તે ‘સિકંદર’માં જોવા મળશે.સલમાનની આ ફિલ્મનું પહેલું પોસ્ટર પણ રિલીઝ થઈ ગયું છે. જેમાં અભિનેતાના લકી બ્રેસલેટની ઝલક જોવા મળી હતી.
