‘નામાકુલ’નું ટ્રેલર રિલીઝ: હિના ખાન લગાવશે ગ્લેમરસનો તડકો

ટ્રેલર રિલીઝ થતાં હિના ખાનના દર્શકો કરવા લાગ્યા વખાણ

હિના ખાનની નવી વેબ સિરીઝ ‘નામાકુલ’નું ટ્રેલર રિલીઝ થઈ ગયું છે. જેને દર્શકો ખૂબ જ પસંદ કરી રહ્યા છે. ટ્રેલરમાં હિના ખાન ગ્લેમરસનો તડકો લગાવતી નજરે પડશે. જ્યારે આ વેબ સિરીઝમાં તેનો રોલ ઘણો જ મહત્વનો હશે.

વેબ સિરીઝ નામાકુલની વાર્તા લખનૌની છે. જેમાં બે મિત્રો પિયુષ અને મયંક કોલેજના બીજા વર્ષમાં પહોંચે અને તેઓ ખૂબ મોટું નામ કરવા અને જાણીતા થવા માંગે છે. પણ શું તે આમ કરી શકશે કે નહી? તે નામાકુલમાં દેખાડવામાં આવશે. તમને જણાવી દઈએ કે, નામાકુલ એમેઝોન મીની ટીવી પર ૧૭મેના રોજ સ્ટ્રીમ થશે.

નિર્માતાએ તાજેતરમાં જ આ ટીવી સિરિઝનું ટ્રેલર રિલીઝ કરીને સોશિયલ મીડિયા પર લખ્યું હતું કે, ‘આવી ગયા છે મયંક અને પિયુષ મોટું દંગલ કરવા’. નામાકુલ એક કોમેડી-ડ્રામા સિરીઝ છે. આ સિરીઝમાં હિના ખાનના ગ્લેમરસ અંદાજના ખૂબ જ વખાણ થઈ રહ્યા છે. આ સિરીઝમાં હિના ખાન રૂબિયાનું પાત્ર ભજવતી નજરે પડશે. જ્યારે સિરીઝમાં કુલ ૭ એપિસોડ છે અને સિરીઝની વાર્તા શાંતનુ શ્રીવાસ્તવે લખી છે.