Bhool Bhulaiyaa 3માં કાર્તિક આર્યન અને વિદ્યા બાલન સાથે જોવા મળશે માધુરી દીક્ષિત : તસ્વીરો વાયરલ
ફિલ્મ ભૂલ ભુલૈયા અને ભૂલ ભુલૈયા-2ની ભવ્ય સફળતા બાદ ભૂલ ભુલૈયા 3 આવી રહી છે. જેની ફેન્સ આતુરતાથી રાહ જોઈ રહ્યા છે. અનીસ બઝમીના નિર્દેશનમાં બનેલી ‘ભૂલ ભુલૈયા 3’ તેની સ્ટાર કાસ્ટ માટે ચર્ચામાં રહે છે. ફિલ્મમાં કાર્તિક આર્યન, તૃપ્તિ ડિમરી અને વિદ્યા બાલનની એન્ટ્રી પહેલાથી જ કન્ફર્મ થઈ ગઈ હતી. હવે સેટ પરથી કેટલીક તસવીરો સામે આવી છે, જેમાં બાકીની સ્ટાર કાસ્ટ અને તેમના લુક્સ પણ સામે આવ્યા છે.
‘ભૂલ ભુલૈયા 3’ના કલાકારોની તસવીરો સામે આવી
બે ભાગમાં આવેલી ‘ભૂલ ભુલૈયા’એ બોક્સ ઓફિસ પર ઘણી કમાણી કરી હતી. હવે ફેન્સ ત્રીજા ભાગની આતુરતાથી રાહ જોઈ રહ્યા છે, જે થોડા મહિનામાં રિલીઝ થવા જઈ રહ્યો છે. ફિલ્મનું શૂટિંગ કોલકાતામાં શરૂ થઈ ગયું છે. અનીસ બઝમીએ ‘ભૂલ ભુલૈયા 3’ના શૂટિંગના પહેલા દિવસની ઝલક બતાવી. હવે સેટ પરથી કલાકારોના લુકની સાથે સાથે તે વ્યક્તિની તસવીર પણ સામે આવી છે જેને ચાહકો વિદ્યા બાલન સાથે જોવા માટે ઉત્સુક હતા.
અનીસ બઝમીની ફિલ્મમાં માધુરી દીક્ષિતની એન્ટ્રી
‘ભૂલ ભુલૈયા 3’ના સેટની તસવીરો ઝૂમ દ્વારા શેર કરવામાં આવી છે. આ હોરર-કોમેડી ફિલ્મમાં ‘ધક ધક’ ગર્લ માધુરી દીક્ષિતની એન્ટ્રી કન્ફર્મ થઈ ગઈ છે. ભૂલ ભુલૈયા 3 ના સેટ પર તે કાળી સાડીમાં જોવા મળી હતી. આ સાથે વિદ્યા બાલનનો લુક પણ સામે આવ્યો છે. તે પણ માધુરીની જેમ બ્લેક સાડીમાં જોવા મળે છે.
બંગાળી લુકમાં તૃપ્તિ ડિમરી
તૃપ્તિ ડિમરી લાલ સાડીમાં બંગાળી લુકમાં જોવા મળી રહી છે. જ્યારે કાર્તિક આર્યન રૂહ બાબાના અવતારમાં જોવા મળી રહ્યો છે. આ સાથે જ વધુ ત્રણ કલાકારોના લુક સામે આવ્યા છે, જેઓ બંગાળી સ્ટાઈલમાં રોયલ્ટી જેવા પોશાક પહેરેલા જોવા મળે છે.
મનીષ વાધવા અને રાજેશ શર્માના લુક્સ પણ જાહેર થયા
મનીષ વાધવા અને રાજેશ શર્મા પણ અનીસ બઝમીની ફિલ્મનો ભાગ હશે. રાજેશ શર્મા બંગાળી પોશાકમાં જોવા મળી શકે છે. જ્યારે મનીષ શર્મા પંડિતના લુકમાં જોવા મળી રહ્યા છે.
