જયા પ્રદા ‘ફાતિમા’ બની આવી રહી છે વેબ સિરીઝમાં

રિલાયન્સ એન્ટરટેનમેન્ટ યુટ્યુબ ચેનલ પર જોઈ શકાશે ફ્રીમાં

જયા પ્રદાની વેબ સિરીઝ “ફાતિમા”નું ટ્રેલર રિલીઝ થઈ ગયું છે. આ સાથે જ આ સિરીઝની રિલીઝ થવાની તારીખ પણ સામે આવી છે.

જાણીતી અભિનેત્રી અને રાજ્યસભાની પૂર્વ સભ્ય જયા પ્રદા અભિનયમાં પાછી ફરવા માટે તૈયાર છે. તેની વેબ સિરીઝ ફાતિમાનું ટ્રેલર અને રિલીઝ ડેટ જાહેર કરવામાં આવી છે. તમને જણાવી દઈએ કે, આ સિરીઝમાં જયા પર્દા ફાતિમાનું પાત્ર ભજવી રહી છે. જે પોતાની દીકરી સાથે થયેલા દુષ્કર્મનો બદલો લે છે. સંજીવ રાયના ડાયરેક્શનમાં બનેલી આ વેબ સિરીઝ સસ્પેન્સ, ડ્રામા અને થ્રિલરથી ભરપૂર છે.

વેબ સિરીઝ ફાતિમાનું પ્રીમિયર ૨૩ મેના રોજ યુટ્યુબ પર થશે. આ સિરીઝને તમે રિલાયન્સ એન્ટરટેનમેન્ટ યુટ્યુબ ચેનલ પર ફ્રીમાં જોઈ શકશો. ફિલ્મના ટ્રેલરમાં એ સાબિત થાય છે કે, ફાતિમા પોતાની દીકરી સાથે થયેલા અન્યાય માટે ન્યાય માંગે છે. જો કે, જ્યારે તેને ન્યાય નથી મળતો તો તે ગેરકાયદેસર પદ્ધતિ અપનાવે છે.