Bigg Boss 18 માં હોટ ગ્લેમરનું આકર્ષણ : થશે વાઈલ્ડ કાર્ડની એન્ટ્રી
બિગ બોસ 18ના ફેન્સ માટે વધુ સારા સમાચાર છે. આ સીઝનમાં હજુ એક નવી વાઈલ્ડ કોર્ડ એન્ટ્રી થઈ શકે છે. બિગ બોસ 18’માં એક મહિનામાં બે વાઈલ્ડ કાર્ડ એન્ટ્રી થઈ છે. દિગ્વિજય રાઠી અને કશિશ કપૂરની એન્ટ્રીથી જે વાવાઝોડાની અપેક્ષા હતી તે એક અઠવાડિયામાં જોવા નથી મળી. આ સ્થિતિમાં શક્ય છે કે શોમાં ટ્વિસ્ટ લાવવા અને તેને વધુ ઈન્ટ્રેસ્ટિંગ બનાવવા માટે મેકર્સ વધુ એક વાઇલ્ડ કાર્ડ એન્ટ્રી લાવી રહ્યા. હવે આ વાઈલ્ડ કાર્ડ એન્ટ્રી માટે એક એવું નામ સામે આવ્યું છે જે જલ્દી જ સલમાન ખાનના શોમાં જોડાઈ શકે છે.
બિગ બોસ 18માં અભિનેત્રી વેરોનિકા વેનીજની વાઈલ્ડ કોર્ડ એન્ટ્રી થઈ શકે છે તેવા સમાચાર આવતા જ લોકોમાં તેના વિશે જાણવાની ઈચ્છા વધી ગઈ હતી. વેરોનિકા વેનીજની વાત કરીએ તો તેનો જન્મ 1 જાન્યુઆરી 1994ના રોજ ઉત્તર પ્રદેશના બલિયામાં થયો હતો.
અભિનેત્રીને ઈન્સ્ટાગ્રામ પર 1 મિલિયન લોકો ફોલો કરે છે. આ સિવાય જો તેમના પરિવારની વાત કરીએ તો તેમના પિતા ભારતીય વાયુસેનામાં હતા. સોશિયલ મીડિયા પર અભિનેત્રી વિશે વધુ માહિતી નથી.
આ સિવાય વેરોનિકાની ઈન્સ્ટાગ્રામ પ્રોફાઈલ પર નજર કરીએ તો તેણે ઘણા મ્યુઝિક વીડિયોમાં પણ કામ કર્યું છે.
અભિનેત્રીના ઈન્સ્ટાગ્રામ એકાઉન્ટને જોઈને લાગે છે કે તે સોશિયલ મીડિયા પર ખૂબ જ એક્ટિવ છે અને પોતાની સાથે જોડાયેલા અપડેટ્સ શેર કરતી રહે છે. જોકે, વેરોનિકા બિગ બોસમાં આવશે કે નહીં તે અંગે હજુ સુધી કોઈ સત્તાવાર માહિતી સામે આવી નથી.
નોંધનીય છે કે આ વખતે સલમાન ખાન ‘વીકેન્ડ કા વાર’માં જોવા મળ્યો ન હતો, તેથી દર્શકો નિરાશ દેખાતા હતા. આ ઉપરાંત બિગ બોસના ઘરમાં હાલમાં જ થયેલી બે વાઇલ્ડ કોર્ડ એન્ટ્રી વિશે એવું કહેવામાં આવ્યું હતું કે તેમની એન્ટ્રી શોમાં નવો વળાંક લાવી શકે છે, પરંતુ આ બંને કંઈ ખાસ કરી શક્યા નથી.
