આતંકવાદીઓના દાંત ખાટા કરશે ગુરમીત ચૌધરી

વેબ સિરીઝ ‘કમાન્ડર કરણ સક્સેના’માં રો એજન્ટનું પાત્ર ભજવશે

ટીવીના રામ એટલે કે, ગુરમીત ચૌધરી હવે વેબ સિરીઝની દુનિયામાં નજર આવશે. વેબ સિરીઝ ‘કમાન્ડર કરણ સક્સેના’માં તે એક રો એજન્ટનું પાત્ર ભજવતા નજરે પડશે. આ વેબ સિરીઝ જતિન વાગલેના ડાયરેક્શનમાં બની રહી છે અને તેનું ટીઝર સોમવારે રિલીઝ થઈ ગયું છે. આ સિરિઝનું પ્રીમિયર 8 જુલાઇએ ડિઝની પલ્સ હોટ સ્ટાર પર થશે.

ગુરમીત ચૌધરી હવે એક્શન અવતારમાં જોવા મળશે. જ્યારે આ સિરીઝમાં ઇકબાલ ખાન અને ઋતા દુર્ગુલે પણ જોવા મળશે. ઓટીટી પ્લેટફોર્મ ડિઝની પલ્સ હોટ સ્ટારની આ એક્શન સિરીઝના ટીઝરમાં ઇકબાલ ખાનની ઝલક જોવા મળે છે. સાથે જ કમાન્ડર કરણ સક્સેનાના રૂપમાં રો એજન્ટ બનીને ગુરમીત પોતાની દમદાર ડાયલોગ ડિલિવરીથી એક્સાઇમેન્ટ વધારે છે. નિર્માતા મુજબ આ સિરીઝ રાજકીય કાવતરા અને વિશ્વાસઘાતની વાર્તા પર વણાયેલી છે. જેમાં ભારત-પાકિસ્તાન વચ્ચેના તણાવપૂર્ણ સંબંધોનું તારણ છે. 

‘કમાન્ડર કરણ સક્સેના’ સિરીઝના ટીઝરની શરૂઆત એક ધમકી થાય છે. જેમાં પડોસી દેશથી એક મેસેજ આવે છે કે, કફન તૈયાર કરી લો, તમારો દેશ સળગાવીને બરબાદ કરવાના છીએ. જેના જવાબમાં ગુરમીત ચૌધરી કહે છે કે, આટલા વર્ષોમાં તમે એક ક્રિકેટ મેચ તો હરાવી શક્યા નથી અને મારા દેશને હરાવવા નીકળ્યા છો. આ પછી ગુરમીતની ખતરનાક બોડી અને હવાઈ હુમલાથી લઈને એક્શન દ્રશ્યોની ઝલક જોવા મળે છે.