આવી રહી છે ‘ગુલ્લક-૪’, ટ્રેલર રિલીઝ થયું

મિડલ ક્લાસ પરિવારની વાર્તાવાળી આ સિરીઝને દર્શકોનો મળ્યો છે ખૂબ પ્રેમ

ફેમિલી ડ્રામા ‘ગુલ્લક’ની ચોથી સિઝન આવી રહી છે. નિર્માતાઓએ તેની રિલીઝ ડેટ જાહેર કરી છે અને તેની સાથે સાથે ટ્રેલર પણ જાહેર કરી દીધું છે. જે ટ્રેલર સામે આવ્યું છે તેમાં ફરી એકવાર મિશ્રા પરિવારની વાર્તા જોવા મળી છે. 

ગુલ્લક-નું ઓફિશિયલ ટ્રેલર રિલીઝ કરી દેવામાં આવ્યું છે. જેમાં મિશ્રા પરિવારના જીવનની ઝલક અને સામાન્ય જીવનની વાર્તા જોવા મળે છે. હર્ષ માયરે ટ્રેલરને સોશિયલ મીડિયા પર શેર કરીને લખ્યું હતું કે, પ્રતિક્ષા પૂરી થઈ, બસ હવે હંમેશની જેમ પ્રેમ વરસાવો. આ સિઝન ૭ જૂનથી સોની લિવ પર સ્ટ્રીમ થવાની છે. મહત્વનું છે કે, છેલ્લી ત્રણ સિઝનને દર્શકો તરફથી ખૂબ જ સારો રિસ્પોન્સ મળ્યો હતો.

તમને જનઆવી દઈએ કે, આ વેબ સિરીઝ મિડલ ક્લાસ મિશ્રા પરિવારની વાર્તા છે. એક એવો પરિવાર જે એક બીજાને ખૂબ જ પ્રેમ કરે છે. પરંતુ સમયાંતરે બધા વચ્ચે ઘણી તકરાર પણ થતી જોવા મળે છે. શ્રેયાંશ પાંડે દ્વારા નિર્દેશિત આ સિરીઝે કોઈ મોટા સ્ટાર વગર પણ દર્શકોના દિલમાં જગ્યા બનાવી છે. ગુલ્લક-૪ના ટ્રેલરમાં જમીલ ખાન, હર્ષ માયર, વૈભવ રાજ ગુપ્તા સહિત અનેક સ્ટાર નજરે પડે છે.