ફિલ્મ બોર્ડર-2ની જાહેરાત : 27 વર્ષ બાદ સની દેઓલ ફરી સૈનિક તરીકે જોવા મળશે, અભિનેતાએ શેર કર્યો વિડીયો

દેશભક્તિની ફિલ્મો વિશે વાત કરીએ તો બોર્ડર ફિલ્મ પહેલા યાદ આવે ત્યારે આ ફિલ્મમાં સનીલ દેઓલ સહીતના દરેક પાત્રોએ પોતાની શ્રેષ્ઠ ભૂમિકા ભજવી છે ત્યારે સની દેઓલે ફેન્સ માટે એક મોટી ખુશખબર શેર કરી છે. ‘ગદર 2’ની સફળતા બાદ હવે સની દેઓલે તેની આગામી ફિલ્મ ‘બોર્ડર 2’ની સત્તાવાર જાહેરાત કરી છે. જોકે ચાહકોને ખબર હતી કે સની પાજી ‘બોર્ડર 2’ લઈને આવી રહ્યા છે. પરંતુ હવે તેની સત્તાવાર જાહેરાતે ફિલ્મ પર મક્કમ મહોર લગાવી દીધી છે. સુપરસ્ટારે પોતાના ઈન્સ્ટાગ્રામ પર એક વીડિયો શેર કરીને બધાને આ ખુશખબર આપી છે.

1997માં રીલિઝ થયેલી સની દેઓલની ફિલ્મ બોર્ડરની સિક્વલ બોર્ડર 2ની દરેક લોકો આતુરતાથી રાહ જોઈ રહ્યા છે. આને લઈને ફેન્સ ખૂબ જ ઉત્સાહિત છે. આખરે બોર્ડરની સિક્વલ બોર્ડર 2ની સત્તાવાર જાહેરાત કરવામાં આવી છે. આ ફિલ્મની સિક્વલથી સની દેઓલ ફરી કમબેક કરી રહ્યા છે. તમને જણાવી દઈએ કે બોર્ડરની સિક્વલ રિલીઝના 27 વર્ષ પછી આવવા જઈ રહી છે. બોર્ડર 2માં સની દેઓલ ફરી એકવાર પાકિસ્તાન સાથે યુદ્ધ કરતો જોવા મળશે. જ્યારથી આ ફિલ્મની ઘોષણા થઈ છે ત્યારથી જ ચાહકો દ્વારા કમેન્ટ્સ આવવા લાગી છે.

27 વર્ષ પછી બોર્ડર 2 ની જાહેરાત

ઇન્સ્ટાગ્રામ પર વોર એક્શન ફિલ્મ બોર્ડર 2ની જાહેરાત કરવામાં આવી છે. સની દેઓલે પોતાના દમદાર અવાજથી ફિલ્મનું ટીઝર રિલીઝ કર્યું છે. ખાસ વાત એ છે કે ફિલ્મ બોર્ડર 13 જૂન 1997ના રોજ રીલિઝ થઈ હતી અને બરાબર 27 વર્ષ બાદ 13 જૂનની એ જ તારીખે બોર્ડર 2ની જાહેરાત કરવામાં આવી છે. સની દેઓલે પોતે પણ આ ફિલ્મની જાહેરાતનો વીડિયો સોશિયલ મીડિયા પર શેર કર્યો છે.

બોર્ડર 2 ની જાહેરાતનું ટીઝર કેવું છે ?

બોર્ડર 2ના આ વીડિયોમાં કોઈ વિઝ્યુઅલ નથી, બેકગ્રાઉન્ડમાંથી માત્ર સની દેઓલનો અવાજ આવી રહ્યો છે. વીડિયોમાં તે કહી રહ્યો છે, ’27 વર્ષ પહેલા એક સૈનિકે વચન આપ્યું હતું કે તે પાછો આવશે. આ જ વચનને પૂર્ણ કરવા તેઓ ફરીથી ભારતની ધરતીને સલામ કરવા આવી રહ્યા છે. આ પછી, ફિલ્મ બોર્ડરનું ગીત સંદેશ આતે હૈ બેકગ્રાઉન્ડમાં વાગે છે.

ભૂષણ કુમાર અને જેપી દત્તા પ્રોડ્યુસ કરશે

તમને જણાવી દઈએ કે બોર્ડર 2 ના ભૂષણ કુમાર, કૃષ્ણ કુમાર, જેપી દત્તા અને નિધિ દત્તા પ્રોડ્યુસ કરી રહ્યા છે. આ ફિલ્મને અનુરાગ સિંહ ડાયરેક્ટ કરવા જઈ રહ્યા છે. બોર્ડર 2માં અનુ મલિક અને મિથુનનું સંગીત હશે. જાવેદ અખ્તર ફિલ્મના ગીતોના ગીતો લખી રહ્યા છે, અને તેને સોનુ નિગમ દ્વારા ગાવામાં આવશે. આ ફિલ્મની સ્ટાર કાસ્ટ વિશે હજુ સુધી કોઈ માહિતી આપવામાં આવી નથી.

આયુષ્માન ખુરાના બોર્ડર 2 માં જોવા મળી શકે છે

તાજેતરમાં, બોર્ડર 2 ની સ્ટાર કાસ્ટ વિશે એવા અહેવાલો આવ્યા હતા કે આયુષ્માન ખુરાના પણ આ ફિલ્મમાં મહત્વપૂર્ણ ભૂમિકામાં જોવા મળી શકે છે. રિપોર્ટ્સનું માનીએ તો બોર્ડર 2નું શૂટિંગ ઓક્ટોબરથી શરૂ થઈ શકે છે. ટીમ ઘણા સમયથી આ ફિલ્મની તૈયારીમાં વ્યસ્ત છે. તમને જણાવી દઈએ કે સની દેઓલની ગદર 2 ગયા વર્ષે રિલીઝ થઈ હતી. આ ફિલ્મે બોક્સ ઓફિસ પર બમ્પર કમાણી કરી હતી.