Emergencyનું ટ્રેલર રીલીઝ : કંગના રનૌત આવી રહી છે કટોકટીના ડરામણો દ્રશ્યો સાથે
4 વખત નેશનલ એવોર્ડ જીતી ચૂકેલી અભિનેત્રી કંગના રનૌતની ઈમરજન્સીનું ટ્રેલર રીલીઝ થઇ ચુક્યું છે. દર્શકો અભિનેત્રી કંગના રનૌતની આગામી ફિલ્મ ‘ઇમર્જન્સી’ની આતુરતાથી રાહ જોઈ રહ્યા છે. દર્શકો આ ફિલ્મને જોવા માટે ઘણા સમયથી ઉત્સુક છે. આવી સ્થિતિમાં દર્શકોનો ઉત્સાહ વધારતા નિર્માતાઓએ આજે ફિલ્મ ‘ઇમરજન્સી’નું ટ્રેલર રિલીઝ કર્યું છે. આમાં કંગના પૂર્વ વડાપ્રધાન ઈન્દિરા ગાંધીના પાત્રને સ્ક્રીન પર ખૂબ જ સારી રીતે નિભાવતી જોવા મળી છે. ફિલ્મનું ટ્રેલર ખૂબ જ જોરદાર છે.
આ ફિલ્મમાં ઈમરજન્સીના ભયાનક દ્રશ્યો બતાવવામાં આવશે
કંગના રનૌતે તેની ઈન્સ્ટાગ્રામ સ્ટોરી પર ફિલ્મનું ટ્રેલર શેર કર્યું છે. ભારતમાં 1975માં સેટ થયેલી આ ફિલ્મ તે સમયની આસપાસ ફરે છે જ્યારે દેશમાં ઈમરજન્સી લાગુ કરવામાં આવી હતી. રાજકીય ડ્રામામાં કંગના પૂર્વ ભારતીય વડાપ્રધાન ઈન્દિરા ગાંધીની ભૂમિકા ભજવતી જોવા મળે છે. કંગના ઉપરાંત ‘ઇમરજન્સી’માં અનુપમ ખેર, મિલિંદ સોમન, મહિમા ચૌધરી અને શ્રેયસ તલપડે પણ છે. આ ફિલ્મમાં શ્રેયસે પૂર્વ વડાપ્રધાન અટલ બિહારી વાજપેયીની ભૂમિકા ભજવી છે. આ સિવાય દિવંગત અભિનેતા સતીશ કૌશિક પૂર્વ નાયબ વડાપ્રધાન જગજીવન રામના રોલમાં જોવા મળ્યા છે.
કંગનાએ ટ્રેલર શેર કર્યું છે
અભિનેત્રીએ ટ્રેલર શેર કરીને લખ્યું, ‘ભારત ઇઝ ઇન્દિરા અને ઇન્દિરા ઇઝ ઇન્ડિયા. દેશના ઈતિહાસની સૌથી શક્તિશાળી મહિલા, તેમના ઈતિહાસમાં લખાયેલો કાળો અધ્યાય. ઈમરજન્સીનું ટ્રેલર હાલમાં જ રિલીઝ થયું છે. ઈમરજન્સી 6 સપ્ટેમ્બરે વિશ્વભરના સિનેમાઘરોમાં રિલીઝ થશે. કંગના રનૌતે 2021માં ઈમરજન્સી જાહેર કરી હતી. કોઈને કોઈ કારણસર ફિલ્મની રિલીઝ આગળ વધી રહી હતી. પરંતુ હવે ‘ઇમરજન્સી’ સિનેમાઘરોમાં આવવા માટે તૈયાર છે.
કંગના નિર્દેશિત ‘ઇમરજન્સી’
કંગના રનૌતની ફિલ્મ ઈમરજન્સી 6 સપ્ટેમ્બરે રિલીઝ થશે. અગાઉ આ ફિલ્મ 14 જૂને રિલીઝ થવાની હતી. પરંતુ લોકસભા ચૂંટણીને કારણે તેની રિલીઝ ડેટ મોકૂફ રાખવામાં આવી હતી. અભિનેત્રીએ હિમાચલ પ્રદેશની મંડી લોકસભા બેઠક પરથી ભાજપની ટિકિટ પર લોકસભા ચૂંટણી જીતી હતી. ‘ઇમરજન્સી’ની વાત કરીએ તો આ ફિલ્મમાં કંગના લીડ રોલમાં જોવા મળશે. અભિનેત્રીએ પોતે આ ફિલ્મનું નિર્દેશન કર્યું છે.
