કાન્સ ફિલ્મ ફેસ્ટિવલમાં એશ્વર્યા રાયનો પ્રિન્સેસ લુક, રેડ કાર્પેટ પર ફેન્સના દિલ જીત્યા
કાન્સ ફિલ્મ ફેસ્ટિવલમાં હંમેશા ઐશ્વર્યા રાય બચ્ચનની રાહ જોવાતી હોય છે. હાલમાં જ જ્યારે તે એરપોર્ટ પર જોવા મળી ત્યારે તેના હાથ પર પ્લાસ્ટર હતું. વિશ્વ વિખ્યાત અને સૌથી સુંદર અભિનેત્રી ઐશ્વર્યા રાય બચ્ચને 77માં વાર્ષિક કાન્સ ફિલ્મ ફેસ્ટિવલના રેડ કાર્પેટ પર પોતાની સુંદરતાનો જલવો દેખાડ્યો હતો. કાન્સ 2024ના તેના ફોટા અને વીડિયો સોશિયલ મીડિયા પર છવાયેલા છે. ઐશ્વર્યા રાયે રેડ કાર્પેટ પર ગ્રાન્ડ એન્ટ્રી કરતા જ બધાની નજર તેના લુક પર ટકેલી હતી. એક હાથમાં ફ્રેક્ચર હોવા છતાં, ઐશ્વર્યા રાય બચ્ચન રેડ કાર્પેટ પર સંપૂર્ણ આત્મવિશ્વાસથી દેખાતી હતી.
જેઓ નથી જાણતા તેમના માટે, ઐશ્વર્યા રાય છેલ્લા ઘણા વર્ષોથી કાન્સમાં બ્યુટી બ્રાન્ડ લોરિયલ પેરિસનું પ્રતિનિધિત્વ કરી રહી છે. આ વખતે પણ તે કાન્સ ફેસ્ટીવલનો ભાગ બની હતી.ઐશ્વર્યા રાય બચ્ચને કાન્સ ફિલ્મ ફેસ્ટિવલના રેડ કાર્પેટ પર મોનોક્રોમેટિક લુક પસંદ કર્યો હતો. તેણીએ સફેદ શ્રગ સાથે બ્લેક મોનોક્રોમેટિક ડ્રેસની જોડી બનાવી છે. તેના ડ્રેસ પર ગોલ્ડન એમ્બિલિશમેન્ટ દેખાય છે. ડ્રેસની પાછળની બાજુએ લાંબી ટ્રેલ છે. ઐશ્વર્યા રાય બચ્ચને પોતાનો મેકઅપ ન્યૂનતમ રાખ્યો અને બહુ ઓછી એક્સેસરીઝ સાથે તેનો લુક પૂર્ણ કર્યો. મોટા સોનેરી રંગના ઈયરીંગસે તેના દેખાવમાં ચાર ચાંદ લગાવી દીધા હતા.
એશ્વર્યા 22 વર્ષથી કાન્સના રેડ કાર્પેટ પર ચમકી રહી છે
#AishwaryaRai at #Cannes2024 red carpet pic.twitter.com/KNjz27gj7P
— $@M (@SAMTHEBESTEST_) May 16, 2024
છેલ્લા 22 વર્ષથી, ઐશ્વર્યા રાય બચ્ચન સતત કાન્સ ફિલ્મ ફેસ્ટિવલનો ભાગ બની રહી છે અને દરેક વખતે તે પોતાના અલગ-અલગ લુક્સથી ચાહકોને પ્રભાવિત કરે છે. તે જાણીતું છે કે ફ્રાન્સના ફ્રેન્ચ રિવેરા ખાતે 14 મેથી 77મો વાર્ષિક કાન્સ ફિલ્મ ફેસ્ટિવલ શરૂ થયો છે. આ ઈવેન્ટ 25મી મે સુધી ચાલશે.
પૂર્વ મિસ વર્લ્ડે પોતાનો લુક સિમ્પલ અને એલીગન્ટ રાખ્યો હતો. તેની તસવીરોમાં તે હાથ પર કાસ્ટ પહેરેલી જોવા મળી હતી. પરંતુ અભિનેત્રીના ચહેરા પર પડતી આંખો તેના હાથ તરફ જઈ શકતી નથી. નોંધનીય છે કે આ પહેલા ઐશ્વર્યા રાય પુત્રી આરાધ્યા બચ્ચન સાથે એરપોર્ટ પર જોવા મળી હતી. જ્યાં બંનેનું ફૂલોના ગુલદસ્તાથી સ્વાગત કરવામાં આવ્યું હતું.
ઐશ્વર્યા રાય બચ્ચનનું વર્ક ફ્રન્ટ
વર્ક ફ્રન્ટ વિશે વાત કરીએ તો, ઐશ્વર્યા રાય બચ્ચન છેલ્લે ફિલ્મ ‘પોનીયિન સેલ્વન 2’માં જોવા મળી હતી, જેમાં તેણે ચિયાન વિક્રમ અને જયમ રવિ જેવા સ્ટાર્સ સાથે કામ કર્યું હતું. આ એક પીરિયડ ડ્રામા ફિલ્મ હતી, જેમાં ઐશ્વર્યા રાય બચ્ચનની જોરદાર એક્ટિંગની ખૂબ પ્રશંસા કરવામાં આવી હતી. ‘પોનીયિન સેલ્વન 2’નું નિર્દેશન મણિરત્નમે કર્યું હતું. હવે ચાહકો તેની નવી ફિલ્મની આતુરતાથી રાહ જોઈ રહ્યા છે.
