કાળી ચૌદશને શા માટે નરક ચતુર્દશી પણ કહેવામાં આવે છે ? જાણો તેની પૂજા વિધિ અને મહત્વ વિશે

દીપોત્સવી પર્વનો પ્રારંભ થઈ ગયો છે. હિન્દુ ધર્મમાં દિવાળીના તહેવારને ખૂબ ધામધૂમથી ઉજવવામાં આવે છે. આ પર્વનો ત્રીજો દિવસ એટલે કાળી ચૌદશ. આ વર્ષે આસો વદ તેરસ ને બુધવારે તા ૩૦-૧૦-૨૪ બપોરે ૧.૧૬ વાગ્યા સુધી તેરસ તિથિ છે . ત્યાર બાદ ચૌદશ તિથિનો પ્રારંભ થાય છે ખાસ કરીને કાળી ચૌદસમા સાંજના સમયનુ તથા રાત્રિના સમયનું મહત્વ વધારે છે આથી બુધવારે બપોરથી કાળી ચૌદશ છે.

કાળી ચૌદશનું બીજું નામ નરક ચતુર્દશી પણ છે. કાળી ચૌદશને રૂપચૌદશ પણ કહે છે. આ દિવસે ભગવાન કૃષ્ણએ નરકાસુર નામના અસુરનો વધ કરી ને પ્રજાજનોને તેના ત્રાસમાંથી ઉગાર્યા હતા, જેથી કરીને તેનું નામ નરક ચતુર્દશી પડેલું છે. અને આ દિવસને નાની દિવાળી પણ કહેવામાં આવે છે તે ઉપરાંત આ દિવસ ને રૂપચતુર્દશી પણ કહેવામાં આવે છે

કાળી ચૌદશના દિવસે આટલું કરવું
કાળી ચૌદશના દિવસે અભ્યંગ સ્નાન ગુરુવારે સવારે નિત્ય કર્મ કરી તલનું તેલ શરીરે ચોપડી ત્યારબાદ સ્નાન કરવાની અભ્યગ સ્નાન કહેવાય છે આનાથી આરોગ્ય સારું રહે છે, ત્યારબાદ પિતૃતર્પણ કરી શકાય, કાળી ચૌદશના દિવસે દરેક તેલમાં મહાલક્ષ્મીનો વાસ હોય છે અને જળમાં ગંગાજીનો વાસ હોય છે . આથી તેલ ચોપડી સ્નાન કરી અને તર્પણ કરવાથી પિતૃઓના આશિર્વાદ મળે છે અને આરોગ્ય પણ સારું રહે છે.

કાળી ચૌદશ શા માટે ઉજવવામાં આવે છે ?

કાળી ચતુર્દશીને નરક ચતુર્દશી, ભૂત પૂજા અને રૂપ ચતુર્દશી તરીકે પણ ઓળખવામાં આવે છે. દંતકથા અનુસાર, પ્રાચીન સમયમાં નરકાસુર નામનો એક રાક્ષસ રહેતો હતો. જેણે પોતાની શક્તિઓનો દુરુપયોગ કરીને ઋષિ-મુનિઓ, દેવી-દેવતાઓ અને સોળ હજાર રાજકુમારીઓને કેદ કરી. જે પછી રાજકુમારીઓ અને દેવતાઓ ચિંતિત થઈ ગયા અને ભગવાન કૃષ્ણ પાસે મદદ માંગી. જે પછી ભગવાન શ્રી કૃષ્ણએ નરકાસુરનો વધ કર્યો. નરકાસુરના વધથી આખી પૃથ્વી ખુશ થઈ ગઈ. નરક સુરનો વધ કર્યા પછી, ભગવાન કૃષ્ણએ ઋષિ-મુનિઓ, દેવી-દેવતાઓ અને સોળ હજાર રાજકુમારીઓને મુક્ત કર્યા. આ ખુશીના કારણે તે દિવસે દીવા પ્રગટાવવામાં આવ્યા હતા અને ચારેબાજુ દીવા પણ દાન કરવામાં આવ્યા હતા.

કાળી ચૌદશનું મહત્વ

એવું માનવામાં આવે છે કે કાળી ચૌદસના દિવસે જે લોકો વિધિ પ્રમાણે પૂજા કરે છે તેમને માનસિક અને શારીરિક કષ્ટોમાંથી મુક્તિ મળે છે. આ સાથે શરીરમાં સકારાત્મક ઉર્જાનો પ્રવાહ થાય છે. એવું માનવામાં આવે છે કે કાળી ચૌદસ પર કાલીનું પૂજન કરવાથી શત્રુ પર વિજયનું વરદાન મળે છે. જે સાધકો તંત્ર સાધના કરે છે તેઓ કાળી ચૌદસના દિવસે મહાકાળીની સાધના વધુ અસરકારક માને છે.

કાલી ચૌદસ પૂજા પદ્ધતિ

કાળી ચૌદસના દિવસે દેવી કાલીની પૂજા કરતા પહેલા અભ્યંગ સ્નાન કરવું ખૂબ જ મહત્વપૂર્ણ છે. એવું માનવામાં આવે છે કે આ કરવાથી વ્યક્તિને બધી પરેશાનીઓમાંથી મુક્તિ મળે છે. આ દિવસે દેવી કાલીની પૂજા કરતા પહેલા સ્નાન કરો, અત્તર લગાવો અને પૂજામાં બેસો. તે પછી, સ્ટૂલ પર લાલ રંગનું કાપડ ફેલાવો. તેની ઉપર મા કાલી ની મૂર્તિ અથવા ચિત્ર સ્થાપિત કરો. પછી દીવો પ્રગટાવો. તે પછી મા કાલીને ફળ, ફૂલ, કુમકુમ, હળદર, કપૂર, નારિયેળ અને નૈવેદ્ય અર્પણ કરો. અંતમાં કાલી ચાલીસાનો પાઠ કરો અને મંત્રનો જાપ કરો.