હરિયાણા કોંગીમાં સીએમ પદ માટે કોનું નામ આગળ ? વાંચો
હરિયાણા વિધાન સભાની ચુંટણી થઈ ગઈ છે અને એક્ઝિટ પોલના આંકડા બહાર આવ્યા બાદ કોંગ્રેસની અંદર સીએમ પદ માટેની ખેંચાખેંચી હવે તીવ્ર બની છે. હાઇકમાંડ કોના શિરે તાજ મૂકશે તે બારામાં અનેક વાતો થઈ રહી છે અને તેની વચ્ચે રવિવારે એવા અહેવાલો બહાર આવ્યા હતા કે કુમારી શૈલજા આ પોસ્ટ માટે મુખ્ય દાવેદાર છે. જો કે હજુ ફાઇનલ પરિણામ આવવાનું બાકી છે ત્યાર બાદ વધુ રસાકસી થઈ શકે છે.
પૂર્વ મુખ્યમંત્રી અને કોંગ્રેસના નેતા હુદાએ આ બારામાં મીડિયા સાથેની વાતચીતમાં એમ ક્હ્યું હતું કે દાવા તો કોઈ પણ કરી શકે છે. આ માટેનો ફેસલો તો હાઇકમાન્ડ જ કરશે. જો કે એમણે એમ પણ કહ્યું હતું કે કુમારી શૈલજા પણ રેસમાં છે.
જો કોંગ્રેસની સરકાર બની તો કેબિનેટમાં કોણ આવશે તેવા સવાલના જવાબમાં એમણે કહ્યું હતું કે આ બધી પછીની વાત છે અને આ બારામાં પણ હાઇ કમાન્ડ જ નિર્ણય લઈ શકે છે. અત્યારે બધાની દાવેદારી હોય જ તે સમજી શકાય તેવી વાત છે.
હુદાએ એમ પણ કહ્યું હતું કે લોકતંત્રમાં મુખ્યમંત્રી થવાની બધાની મરજી હોય છે. જો કે આવા નિર્ણયો પાર્ટીના હાઇ કમાન્ડ દ્વારા જ થતાં હોય છે. તેમાં કોઈનું કઈ ચાલતું નથી. આ બધી વાતો અત્યારે કાલ્પનિક જ કહી શકાય.
