દુનિયાનો સૌથી ઉંચો પગાર ધરાવતો માણસ કોણ છે ?? શું કામ કરે છે ?? પગાર સાંભળીને તો હોશ ઊડી જશે

આપણને કોઈ પૂછે કે સૌથી વધુ પગાર ધરાવતા ભારતીયો કોણ છે? તો આપણા મનમાં સત્યા નાડેલા કે સુંદર પીચાઈના નામો આવે. પરંતુ સૌથી ઉંચો પગાર ધરાવનાર એક ભારતીય જ છે પણ તેનું નામ થોડું અજાણ્યું છે.  જગદીપ સિંઘ, જે ક્વોન્ટમસ્કેપના સ્થાપક છે. તે કંપની ઇલેક્ટ્રિક વાહન (EV) ની બેટરી બનાવે છે. જગદીપ સિંઘની વાર્ષિક કમાણી આશ્ચર્યજનક ₹17,500 કરોડ છે, જે તેમને વૈશ્વિક સ્તરે સૌથી વધુ કમાણી કરનાર ટેક લીડર બનાવે છે. બીજી રીતે જોઈએ ત રોજના અડતાલીસ કરોડ!

કોણ છે જગદીપ સિંહ?

જગદીપ સિંહ માત્ર ટેક એક્ઝિક્યુટિવ નથી, તે એક સ્વપ્નદ્રષ્ટા છે જેણે EV બેટરી ટેકનોલોજીમાં ક્રાંતિ લાવી છે. ઇનોવેશન પ્રત્યેનો લગાવ તેમનામાં જન્મજાત હતો.  તેમણે ખુબ સારું શિક્ષણ લીધું. તેમણે યુનિવર્સિટી ઓફ મેરીલેન્ડમાંથી કોમ્પ્યુટર સાયન્સમાં સ્નાતકની ડિગ્રી, સ્ટેનફોર્ડ યુનિવર્સિટીમાંથી માસ્ટર ડિગ્રી અને યુનિવર્સિટી ઓફ કેલિફોર્નિયા, બર્કલેમાંથી એમબીએની ડિગ્રી મેળવી.

ક્વોન્ટમસ્કેપ લોન્ચ કરતા પહેલા જગદીપ સિંઘે HP અને Sun Microsystems જેવી ટેક જાયન્ટ્સ કપનીઓમાં કામ કર્યું હતું. તેણે એરસોફ્ટ, લાઇટેરા નેટવર્ક્સ અને ઇન્ફિનેરા સહિત અનેક સ્ટાર્ટઅપ્સની સ્થાપના કરીને ટેકનોલોજીની દુનિયામાં એક દાયકાથી વધુનો અનુભવ મેળવ્યો.

ક્વોન્ટમસ્કેપનો જન્મ

2010 માં, જગદીપ સિંઘે બોલ્ડ વિઝન સાથે ક્વોન્ટમસ્કેપની સ્થાપના કરી: ઇલેક્ટ્રિક વાહનો માટે બેટરીની ટેકનોલોજીમાં ક્રાંતિ લાવવાના વિઝન સાથે. તેમના નેતૃત્વ હેઠળ, કંપનીએ સોલિડ-સ્ટેટ બેટરીઓ રજૂ કરી, જે પરંપરાગત લિથિયમ-આયન બેટરીની મર્યાદાઓને ઓળંગી જાય છે. નિયમિત બેટરીથી વિપરીત, સોલિડ-સ્ટેટ બેટરી કોઈપણ પ્રવાહી ઇલેક્ટ્રોલાઇટ્સનો ઉપયોગ કરતી નથી.

આ બેટરીઓની લાક્ષણિકતા:

સલામત: ઓવરહિટીંગ અથવા આગનું ઓછું જોખમ.

ઝડપી ચાર્જીંગ: સમયની બચત

વધુ કાર્યક્ષમ: ઉચ્ચ ઉર્જા ઘનતાનો અર્થ છે કે EV એક જ ચાર્જ પર લાંબા અંતરની મુસાફરી કરી શકે છે.

                      જગદીપ સિંઘની કંપની સાથે ફોક્સવેગન અને બિલ ગેટ્સની કંપનીઓએ પણ ભાગીદાર કરી માટે મોટું રોકાણ મળ્યું. QuantumScape ટૂંક સમયમાં EV અને ક્લીન એનર્જીના ક્ષેત્રોમાં અગ્રણી બની ગયું.

              2021માં, કંપનીના શેરહોલ્ડરોએ જગદીપ સિંઘ માટે $2.3 બિલિયન (₹19,000 કરોડ)નું વળતર પેકેજ મંજૂર કર્યું, મુખ્યત્વે સ્ટોક ઓપ્શન્સમાં. આ સોદાએ તેમને બ્રોડકોમના હોક ટેન અને પાલો અલ્ટો નેટવર્ક્સના નિકેશ અરોરા જેવા ઉચ્ચ કમાણી કરનારા એક્ઝિક્યુટિવ્સ કરતાં આગળ મૂકી દીધા.

               16 ફેબ્રુઆરી, 2024 ના રોજ જગદીપ સિંઘે ક્વોન્ટમસ્કેપના CEO પદેથી રાજીનામું આપ્યું અને શિવ શિવરામને લગામ સોંપી. જો કે, તેની LinkedIn પ્રોફાઇલ મુજબ, તે બોર્ડના અધ્યક્ષ તરીકે સેવા આપવાનું ચાલુ રાખશે. તેઓ હવે એક સ્ટીલ્થ સ્ટાર્ટઅપ પર કામ કરી રહ્યા છે.

               જગદીપ સિંઘનો સફળતાનો ઉદય એ ઇનોવેશન, દ્રઢતા અને દૂરંદેશી નેતૃત્વની શક્તિનો પુરાવો છે. ટેક ઉદ્યોગમાં તેમની નમ્ર શરૂઆતથી માંડીને ક્લીન એનર્જીના ફિલ્ડના સમીકરણો બદલી નાખતી કંપનીનું નેતૃત્વ કરવા સુધી જગદીપ સિંઘ આધુનિક ઉદ્યોગસાહસિકતાની ભાવનાને મૂર્તિમંત કરે છે. યુવાનો માટે આ લીવીંગ લીજેન્ડ ખરા અર્થમાં પ્રેરણાદાયી છે.