ભાજપે રાજ્યસભા માટે કયા ઉમેદવારો પસંદ કર્યા ? વાંચો

ભારતીય જનતા પાર્ટી એ આગામી રાજ્યસભા ચૂંટણી માટે તેના ઉમેદવારોના નામની રવિવારે રાત્રે જાહેરાત કરી હતી. આરપીએન સિંહ અને સુધાંશુ ત્રિવેદીને ઉત્તર પ્રદેશમાંથી ઉમેદવાર બનાવવામાં આવ્યા છે. આ સિવાય પાર્ટીએ બિહાર, છત્તીસગઢ, હરિયાણા, કર્ણાટક, ઉત્તરાખંડ અને પશ્ચિમ બંગાળમાંથી પોતાના ઉમેદવારોની જાહેરાત કરી છે. ગુજરાતને બાકી રાખવામાં આવ્યું હતું. યુપીથી 7 નામ જાહેર કરાયા હતા.

ભાજપે સુભાષ બરાલાને હરિયાણાથી પાર્ટીના ઉમેદવાર જાહેર કર્યા છે, જ્યારે ભાજપના પ્રદેશ અધ્યક્ષ મહેન્દ્ર ભટ્ટને ઉત્તરાખંડથી રાજ્યસભાના ઉમેદવાર બનાવવામાં આવ્યા છે. પાર્ટીએ બિહાર ભાજપ મહિલા મોરચાના પ્રમુખ ધર્મશિલા ગુપ્તાને પણ પોતાના ઉમેદવાર જાહેર કર્યા છે. નીતિશ કુમારના પૂર્વ સહયોગી ભીમ સિંહને પણ પોતાના ઉમેદવાર બનાવ્યા છે.

આ સિવાય કર્ણાટકમાંથી નારાયણ કૃષ્ણસા ભાંડગે, છત્તીસગઢથી રાજા દેવેન્દ્ર પ્રતાપ સિંહ અને પશ્ચિમ બંગાળમાંથી સામની ભટ્ટાચાર્યને ઉમેદવાર બનાવવામાં આવ્યા છે. ઉત્તર પ્રદેશમાંથી ચૌધરી તેજવીર સિંહ, સાધના સિંહ, અમરપાલ મૌર્ય, સંગીતા બળવંત અને નવીન જૈનને પણ ઉમેદવાર જાહેર કરવામાં આવ્યા છે.