દેશમાં યુપી સહિતના રાજ્યોમાં વિધાનસભાની 47 બેઠકોની પેટા ચુંટણી માટે ક્યારે મતદાન ? જુઓ

ચુંટણી પંચ દ્વારા મંગળવારે મહારાષ્ટ્ર અને ઝારખંડ વિધાનસભાની ચુંટણીની તારીખો સાથે યુપીની 9 બેઠકો સહિત અલગ અલગ 15 રાજ્યોની વિધાન સભાની કૂલ 47 બેઠકો પરની પેટાચુંટણી માટેની તારીખો પણ જાહેર કરાઇ હતી.

47 વિધાનસભા અને 2 લોકસભા બેઠકો માટે પેટાચૂંટણીની જાહેરાત કરવામાં આવી હતી. 13 નવેમ્બરે યુપીની 9 વિધનસભા બેઠકો સહિત 47 વિધાનસભા બેઠકો પર પેટાચૂંટણી માટે મતદાન યોજાશે. જ્યારે આયોધ્યાની મિલકીપૂર બેઠક પર હમણાં ચુંટણી યોજાશે નહીં. અહીં સ્થાનિક ઉત્સવને લીધે ચુંટણી મુલતવી રખાઇ છે. આ બધી બેઠોના પરિણામ 23 નવેમ્બરે આવશે.

લોકસભાની બે બેઠકો માટે 20 નવેમ્બરે પેટાચૂંટણી માટે મતદાન યોજાશે. આ બે લોકસભા બેઠકો કેરળની વાયનાડ અને મહારાષ્ટ્રની નાંદેડ બેઠકો છે. જ્યારે ગુજરાતની વાવ વિધાનસભા બેઠક પર 13 નવેમ્બરે મતદાન થશે. અને 23મી નવેમ્બરે પરિણામ જાહેર કરાશે.

યુપીની કઈ 9 બેઠકો

ઉત્તરપ્રદેશ વિધાન સભાની કૂલ 10 બેઠકો પર પેટા ચુંટણી થવાની હતી પણ મિલકીપૂર બેઠક પર હાલ ચુંટણી નહીં થાય માટે ચુંટણી પંચે યુપીની 9 બેઠકો માટે મતદાનની તારીખ જાહેર કરી હતી.

આ બેઠકોમાં મૈનપુરીની કરહલ, અલીગઢની ખૈર, બીજનોરની મીરાપુર, પ્રયાગરાજની ફૂલપુર, ગાઝિયાબાદની ગાઝિયાબાદ, મીરઝાપુરની મઝવા, આંબેડકરનગરની કટહરિ, સંભલની કુન્દરકી અને કાનપુરની સીસામાઉનો સમાવેશ થાય છે.

કયા રાજ્યની કેટલી બેઠકો

• યુપી-9
• આસામ-5
• બિહાર-5
• ચંડીગઢ-1
• ગુજરાત -1
• કેરળ -2
• મધ્ય પ્રદેશ -2
• મેઘાલય-1
• પંજાબ-4
• રાજસ્થાન-7
• સિક્કિમ-2
• ઉત્તરાખંડ-1
• બંગાળ-6