ઈરાન અને ઇઝરાયલ દ્વારા એકબીજાને શું અપાઈ ધમકી ? વાંચો

ઈરાનના ઈઝરાયેલ પર હુમલાને લગભગ 3 અઠવાડિયા વીતી ગયા છે. હુમલા બાદથી સમગ્ર વિશ્વની નજર તેના પર છે કે ઈરાન સામે ઈઝરાયેલ ક્યારે અને કેવી રીતે જવાબ આપશે. ઈઝરાયેલની સેના પહેલા જ કહી ચુકી છે કે તેમણે ઈરાન પર હુમલાની તૈયારી કરી લીધી છે અને નેતન્યાહુના સંકેત મળતા જ આ હુમલો કોઈપણ સમયે થઈ શકે છે. નેતાન્યાયહૂના ઘર પર હુમલા બાદ હવે લડાઈ ખૂંખાર બની શકે છે. હવે મિડલ ઈસ્ટ સ્પેક્ટેટર ટેલિગ્રામ ચેનલે ઈઝરાયેલની યોજના લીક કરી છે. સામે ઈરાન દ્વારા પણ એવી ધમકી અપાઈ છે કે જો ઇઝરાયલ હુમલો કરશે તો અમે છોડશું નહિ.

નેતાન્યાયહૂ ના ઘર પર હુમલા બાદ નેતન્યાહુએ કહ્યું હતું કે અમારા પર હુમલો કરનારાઓને અમે પાઠ ભણાવીશું. મિડલ ઈસ્ટ સ્પેક્ટેટરે દાવો કર્યો છે કે ઈઝરાયેલી સેનાએ જવાબી હુમલા માટે અંતિમ તૈયારી કરી લીધી છે. આ ઉપરાંત હુમલા બાદ ઈરાન અને તેના પ્રોક્સી તરફથી મળનારી પ્રતિક્રિયાની પણ તૈયારી કરવામાં આવી છે.

ઇઝરાયેલી સેનાની તૈયારીઓ
મિડલ ઈસ્ટ સ્પેક્ટેટર ટેલિગ્રામ ચેનલે દાવો કર્યો છે કે 8-16 ઓક્ટોબરના રોજ ઈઝરાયેલની ત્રણ સેનાઓએ હુમલાની અંતિમ કવાયત હાથ ધરી હતી. ઑક્ટોબર 15 ના રોજ, એવાંકસ એરક્રાફ્ટ સાથે એક કવાયત હાથ ધરવામાં આવી હતી અને ફાઇટર જેટ, બેલિસ્ટિક મિસાઇલો અને ડ્રોન પણ કવાયતમાં સામેલ હતા. આ સિવાય હુમલા માટે 40 રોક્સ મિસાઈલ તૈયાર કરવામાં આવી છે.