સુપ્રીમ કોર્ટે શું લીધો ઐતિહાસિક નિર્ણય ? શું કર્યું ? જુઓ

સુપ્રીમ કોર્ટે ન્યાયતંત્રમાં પારદર્શિતા હેઠળ ઐતિહાઇસ નિર્ણય લીધો છે અને ન્યાયાધીશોની સંપત્તિની વિગતો જાહેર કરી છે. સુપ્રીમ કોર્ટે કહ્યું કે, ‘પારદર્શિતા વધારવા માટે આ નિર્ણય લેવામાં આવ્યો છે.’ જાહેર કરાયેલા ડેટામાંથી મળેલી માહિતી અનુસાર, જસ્ટિસ કે.વી. વિશ્વનાથન રૂપિયા 120 કરોડની સંપત્તિ સાથે સુપ્રીમ કોર્ટના સૌથી ધનિક ન્યાયાધીશ છે. 21 જજની સંપત્તિ જાહેર કરાઇ છે . સીજેઆઈ ખન્ના પાસે 3 ફ્લેટ, 10 વર્ષ જૂની સ્વિફ્ટ કાર અને 250 ગ્રામ સોનું છે.

સુપ્રીમ કોર્ટે જાહેર જાગૃતિ માટે હાઇકોર્ટ અને સુપ્રીમ કોર્ટમાં નિમણૂકોની સમગ્ર પ્રક્રિયા પણ વેબસાઇટ પર અપલોડ કરી છે. આમાં હાઇકોર્ટ કોલેજિયમને સોંપવામાં આવેલી ભૂમિકા, રાજ્ય સરકાર, ભારત સરકાર તરફથી મળેલી ભૂમિકા અને ઇનપુટ્સ અને સુપ્રીમ કોર્ટ કોલેજિયમના મંતવ્યો શામેલ છે.

સુપ્રીમ કોર્ટની વેબસાઇટ પર અપલોડ કરાયેલી મિલકતની વિગતો અનુસાર, ચીફ જસ્ટિસ સંજીવ ખન્ના 3 ફ્લેટના માલિક છે. દક્ષિણ દિલ્હીમાં ત્રણ ફ્લેટ ઉપરાંત, બે પાર્કિંગ જગ્યાઓ સાથેનો ચાર બેડરૂમનો ફ્લેટ છે, જેનો સુપર એરિયા 2446 ચોરસ ફૂટ છે. આ ઉપરાંત, 56 ટકા હિસ્સા સાથે, ગુરુગ્રામના સિસ્પલ વિહાર સેક્ટર 49માં ચાર બેડરૂમનો ફ્લેટ છે, જેનો સુપર એરિયા 2016 ચોરસ ફૂટ છે.

સુપ્રીમ કોર્ટે પોતાના નિર્ણયમાં કહ્યું કે,’સુપ્રીમ કોર્ટે પહેલી એપ્રિલ, 2025ના રોજ નિર્ણય લીધો હતો કે આ કોર્ટના ન્યાયાધીશોની સંપત્તિની વિગતો તેની વેબસાઇટ પર અપલોડ કરીને જાહેર કરવામાં આવશે. પહેલાથી જ પ્રાપ્ત થયેલા ન્યાયાધીશોની સંપત્તિની વિગતો અપલોડ કરવામાં આવી રહી છે. અન્ય ન્યાયાધીશોની સંપત્તિની વિગતો પણ પ્રાપ્ત થતાંની સાથે જ અપલોડ કરવામાં આવશે.’