રાજસ્થાનમાં સ્કૂલના બાળકો સાથે શું બની ઘટના ? કેટલાના મોત ? જુઓ

રાજસ્થાનના પાલીથી રવિવારે એક દુઃખદ સમાચાર આવ્યા હતા. અકસ્માતમાં ત્રણ વિદ્યાર્થીઓ મૃત્યુ પામ્યા હતા. એક ડઝનથી વધુ બાળકો ઘાયલ થઈ ગયા હતા. પાલીમાં દેસૂરીના નાળા નજીક પંજાબ જતા વળાંક પર એક સ્કૂલ બસ બેકાબૂ થતાં પલટી ગઈ હતી. આ બસમાં રાછેટી ગ્રામ પંચાયતની માનકદેહ સ્કૂલના વિદ્યાર્થીઓ સવાર હતા. જોકે દુર્ઘટનાનું સાચુ કારણ જાણી શકાયું નથી.

માહિતી અનુસાર જેવી જ બસ પલટી કે બાળકોએ ચીસાચીસ મચાવી હતી. આ ઘટનાની જાણ થતાં જ સ્થાનિક લોકો તાત્કાલિક મદદે દોડી આવ્યા હતા અને પોલીસને પણ ઘટના વિશે જાણ કરી હતી. આ બાળકો સ્કૂલ પ્રવાસે જઇ રહ્યા હતા.
આ ઘટનાની જાણકારી મળતાં જ રાજસમંદના એસપી અને કલેક્ટર પણ ઘાયલોના ખબર અંતર પૂછવા માટે હોસ્પિટલ પહોંચી ગયા અને ઘાયલોના સ્વાસ્થ્ય વિશે જાણકારી લીધી હતી. પોલીસ કાફલો પણ ઘટનાસ્થળે દોડી આવ્યો હતો અને અકસ્માત પીડિતોને બચાવવામાં મદદ કરી હતી. ડઝનેક જેટલાં ઘાયલ બાળકોને તાત્કાલિક સારવાર માટે હોસ્પિટલ પહોંચાડાયા હતા. આ તમામ બાળકો પિકનિક મનાવવા માટે પરશુરામ મહાદેવ જઇ રહ્યા હતા.

3 બાળકો કાળનો કોળિયો બન્યા છે ત્યારે એમના ગામમાં ભારે શોકનો માહોલ છવાઈ ગયો હતો. ઘાયલ બાળકોને હોસ્પિટલમાં દાખલ કર્યા બાદ એમના પરિવારને જાણ કરાઇ હતી.