કેનેડામાં ભારતીય સ્ટુડન્ટ યુવતી સાથે શું થયું ? શું બન્યો બનાવ ? જુઓ

કેનેડાથી ભારત માટે એક ખરાબ સમાચાર આવ્યા હતા. કેનેડામાં ભારતીય દૂતાવાસે માહિતી આપી હતી કે છેલ્લા ત્રણ દિવસથી ગુમ થયેલી 21 વર્ષીય ભારતીય વિદ્યાર્થીની ઓટાવામાં તેની કોલેજ નજીક બીચ પર મૃત હાલતમાં મળી આવી હતી.

પંજાબના ડેરા બસ્સીના સ્થાનિક આપ નેતાની પુત્રી વંશિકા 25 એપ્રિલે ગુમ થઈ ગઈ હતી, ત્યારબાદ એક સર્ચ અભિયાન શરૂ કરવામાં આવ્યું હતું અને મંગળવારે દરિયા કિનારેથી તેનો મૃતદેહ મળી આવ્યો હતો. ભારતીય દૂતાવાસે પોતાના નિવેદનમાં જણાવ્યું હતું કે, “ઓટાવામાં ભારતીય વિદ્યાર્થી વંશિકાના મૃત્યુની માહિતી મળતાં અમને ખૂબ જ દુઃખ થયું છે.

આ મામલો સંબંધિત અધિકારીઓ સમક્ષ ઉઠાવવામાં આવ્યો છે અને સ્થાનિક પોલીસ આ મામલાની તપાસ કરી રહી છે.” આ સમાચાર બાદ પંજાબમાં ભારે શોક ફેલાયો હતો.

વંશિકા વિશેની ફેસબુક પોસ્ટ મુજબ, વંશિકા 25 એપ્રિલ, શુક્રવારના રોજ રાત્રે 8-9 વાગ્યાની આસપાસ ભાડાનો રૂમ શોધવા માટે તેના ઘરેથી નીકળી હતી અને ત્યારથી તે ઘરે પાછી ફરી નહતી.