જીએસટી કાઉન્સિલની બેઠકમાં શું થયું ? રેલવેની કઈ સેવા સસ્તી થશે ? જુઓ

નાણાપ્રધાન નિર્મલા સીતારમણે શનિવારે 53મી જીએસટી કાઉન્સિલની બેઠક બાદ કહ્યું હતું કે ભારતીય રેલવેની ઘણી સેવાઓને જીએસટીના દાયરામાંથી બહાર કાઢવામાં આવી છે. હવે પ્લેટફોર્મ ટિકિટ પર જીએસટી લાગુ નહીં થાય. આ સાથે સ્ટીલ અને એલ્યુમિનિયમથી બનેલા સોલાર કૂકર અને દૂધના ડબ્બા પર 12 ટકા જીએસટી લાદવાનું સૂચન કરવામાં આવ્યું છે. આ સિવાય પેપર અને પેપર બોર્ડથી બનેલા કાર્ટન પર 12 ટકા જીએસટી લાદવાની પણ ભલામણ કરવામાં આવી છે. નાણામંત્રીએ કહ્યું કે અમે બિઝનેસ વધારવા અને કરદાતાઓને રાહત આપવા માટે ઘણા નિર્ણયો લીધા છે.

ઓનલાઈન ગેમિંગ પર જીએસટી અંગે ચર્ચા નથી થઈ
નાણામંત્રી નિર્મલા સીતારમણે કહ્યું કે આ બેઠકમાં ઓનલાઈન ગેમિંગ ઈન્ડસ્ટ્રી પર 28 ટકા જીએસટી લાદવા અંગે કોઈ ચર્ચા થઈ નથી. આ મુદ્દો બેઠકના એજન્ડામાં નહોતો. આ સાથે ઓનલાઈન ગેમિંગ અને કેસિનોને કોઈ રાહત મળવાની આશા પૂરી થઈ ગઈ છે. નાણામંત્રીના જણાવ્યા અનુસાર,જીએસટી કાઉન્સિલની બેઠકમાં ઘણા ઉભરતા મુદ્દાઓ પર ચર્ચા કરવામાં આવી હતી. આ બેઠકમાં અન્યાયી રીતે વધતા ભાવનો મુદ્દો પણ ઉઠાવવામાં આવ્યો હતો.
પાયો
નકલી ઇનપુટ ટેક્સ ક્રેડિટ લેવાપર લગામ
આ ઉપરાંત, દેશભરમાં આધાર આધારિત બાયોમેટ્રિક ઓળખ સુનિશ્ચિત કરવા માટે પણ વ્યવસ્થા કરવામાં આવશે. આનાથી નકલી ઇનવોઇસ દ્વારા નકલી ઇનપુટ ટેક્સ ક્રેડિટ લેવાની ઘટનાઓ પર અંકુશ આવશે.

જીએસટી એપેલેટ ટ્રિબ્યુનલ માટે નાણાકીય મર્યાદા રૂ. 20 લાખ
આ સાથે જીએસટી કાઉન્સિલની બેઠક દરમિયાન કેસોની સંખ્યા ઘટાડવાનો પણ નિર્ણય લેવામાં આવ્યો હતો. આ અંતર્ગત જીએસટી એપેલેટ ટ્રિબ્યુનલ માટે નાણાકીય મર્યાદા હવે વધારીને 20 લાખ રૂપિયા કરવામાં આવી છે. આ રકમ હાઈકોર્ટ માટે 1 કરોડ રૂપિયા અને સુપ્રીમ કોર્ટ માટે 2 કરોડ રૂપિયા હશે.
રેલવે સેવાને રાહત
બેટરીથી ચાલતા વાહનો અને રેલ્વેની ઇન્ટ્રા રેલ્વે સેવાઓ પર પણ ટેક્સમાં છૂટ આપવામાં આવી છે. આ બેઠકમાં ગોવા અને મેઘાલયના મુખ્યમંત્રીઓ, બિહાર, હરિયાણા, મધ્યપ્રદેશ અને ઓડિશાના નાયબ મુખ્યમંત્રીઓ, રાજ્યો અને કેન્દ્રશાસિત પ્રદેશોના નાણા મંત્રીઓ (વિધાનમંડળ સહિત) અને કેન્દ્ર સરકાર અને રાજ્યોના વરિષ્ઠ અધિકારીઓએ હાજરી આપી હતી.