મંત્રીઓનું જુથ જીએસટી માટે શું નિર્ણય લઈ શકે છે ? ક્યારે છે બેઠક ? જુઓ
જીએસટીને લઈને મંત્રીઓના જૂથની બેઠક 25મી સપ્ટેમ્બરે આવતીકાલે યોજાવા જઈ રહી છે. સૂત્રોનું કહેવું છે કે આ બેઠકમાં રેટમાં ફેરફાર અંગે નિર્ણય લેવામાં આવી શકે છે. આ ઉપરાંત કેટલીક મહત્વની બાબતો પર ચર્ચા પણ થવાની છે. ખાસ તો સ્લેબમાં ફેરફાર કરવા અંગે શું નિર્ણય થાય છે તેના તરફ બધાની નજર રહેશે.
ખાસ કરીને રિયલ એસ્ટેટ સેક્ટર સાથે જોડાયેલા કેટલાક મુદાઓ પર ચોખવટ પણ થઈ શકે છે જેની અસર સેક્ટરની કંપનીઓ અને ગ્રાહકો પર પણ પડી શકે છે. જો કે જીએસટીના દરોમાં ફેરફારની વાત છેલ્લા ઘણા સમયથી થઈ રહી છે.
ટેક્સની ગણતરી માટે રહેણાંક પ્રોજેક્ટ્સમાં પૂર્ણતા પ્રમાણપત્ર પહેલાં સંયુક્ત સપ્લાયમાં પ્રેફરન્શિયલ લોકેશન ચાર્જિસ અને બાંધકામ સેવાઓને કમ્પોઝિટ સપ્લાઈમાં રાખવા અંગે સ્પષ્ટતા થઈ શકે છે. સંયુક્ત પુરવઠામાં, કરની ગણતરી માટે માત્ર મુખ્ય પુરવઠાને જ ધ્યાનમાં લેવામાં આવે છે. અહીં મુખ્ય પુરવઠો બાંધકામ સેવા હશે.
સૂત્રોએ માહિતી આપી હતી કે જો જીએસટી અનરજિસ્ટર્ડ વ્યક્તિ રજિસ્ટર્ડ વ્યક્તિને કોમર્શિયલ પ્રોપર્ટી ભાડે આપે છે, તો તેવા કેસ 18 ટકા ટેક્સ રિવર્સ ચાર્જ મિકેનિઝમ હેઠળ લાવી શકાય છે. જ્યાં સેવા મેળવનાર એટલે કે કોમર્શિયલ મિલકત ભાડે લેનાર વ્યક્તિ ટેક્સ ચૂકવે છે. હાલમાં ફોરવર્ડ ચાર્જ મિકેનિઝમ અમલમાં છે જ્યાં ભાડું લેનારને ટેક્સ ચૂકવવો પડે છે. કોઈપણ પ્રકારના લીકેજને રોકવા માટે આ પગલાં લઈ શકાય છે.
