video : મુંબઈમાં સીટી બસના ડ્રાઈવરે બેફામ બસ ચલાવી અનેક રાહદારીઓ અને વાહનોને કચડયા : 7ના મોત, 50 ઘાયલ
મુંબઈમાં અકસ્માતની ઘટના સામે આવી છે જેમાં 7 લોકોના મોત નિપજ્યાં હતા અને 50 લોકો ઘાયલ થયા હતા. આ અકસ્માત કુર્લા વેસ્ટ રેલવે સ્ટેશન રોડ પર આંબેડકર નગરમાં થયો હતો. બસ કુર્લા સ્ટેશનથી અંધેરી જઈ રહી હતી. આ બેસ્ટ બસોનું સંચાલન બૃહન્મુંબઈ મ્યુનિસિપલ કોર્પોરેશન (BMC) દ્વારા કરવામાં આવે છે.અકસ્માત થતાં બનાવ સ્થળે લોકોના ટોળાં ઉમટ્યા હતા. ઘટનાની જાણ પોલીસને થતાં બનાવ સ્થળે પહોંચીને ઇજાગ્રસ્તોને સારવાર અર્થે ખસેડીને વધુ તપાસ હાથ ધરી હતી.
મુંબઈના ગીચ વસ્તીવાળા વિસ્તાર કુર્લામાં એક સરકારી બસ તેજ ગતિએ પ્રવેશી હતી. આ દરમિયાન સ્પીડમાં આવતી બસે ઘણા લોકોને કચડી નાખ્યા હતા. આખરે બસ એક બિલ્ડીંગના આરસીસી કોલમ સાથે અથડાઈને થંભી ગઈ. પરંતુ બિલ્ડિંગની બાઉન્ડ્રી વોલ ધરાશાયી થઈ હતી. આ દરમિયાન બસે ૧૦૦ મીટરની ત્રિજ્યામાં ૪૦ વાહનોને ટક્કર મારી હતી. આ ભયાનક દુર્ઘટનામાં અત્યાર સુધીમાં ૭ લોકોના મોત થયા છે જ્યારે 50 લોકો ઘાયલ હોવાનું કહેવાય છે, જેમની હોસ્પિટલમાં સારવાર ચાલી રહી છે.
કહેવામાં આવી રહ્યું છે કે આરોપી ડ્રાઈવર સંજય મોરે સોમવારે પહેલીવાર બસ ચલાવી રહ્યો હતો. તે 1 ડિસેમ્બરે જ બેસ્ટમાં કોન્ટ્રાક્ટ ડ્રાઈવર તરીકે જોડાયો હતો. એવું માનવામાં આવે છે કે તેણે બ્રેકને બદલે એક્સિલરેટર દબાવી દીધું હતું. જેના કારણે આ અકસ્માત થયો હતો.પોલીસે આરોપી ડ્રાઈવરની ધરપકડ કરી લીધી છે. મોડી રાતથી તે કસ્ટડીમાં હતો.
સવાલ એ છે કે આટલા મોટા અકસ્માત પાછળનું કારણ શું છે ? ડ્રાઈવર નશામાં હોવાને કારણે આ અકસ્માત થયો કે બસની બ્રેક ફેઈલ થઈ ગઈ? તે જ સમયે, આ અકસ્માતનું કોઈ ચોક્કસ કારણ હજુ સુધી જાણી શકાયું નથી. ઘટના સમયે હાજર સ્થાનિક લોકોનું કહેવું છે કે બસ ડ્રાઈવર નશામાં હતો. દરમિયાન DCP ઝોન ૫ ગણેશ ગાવડેએ જણાવ્યું હતું કે આ ઘટનાનું કારણ હજુ સ્પષ્ટ થયું નથી. પોલીસે બસ ડ્રાઈવરને કસ્ટડીમાં લીધો છે. મામલાની તપાસ ચાલુ છે.
Government bus service (BEST) accident in Kurla, Mumbai
— Dilshad (@dilshad_akhtar1) December 10, 2024
3 lives are lost. The responsibility solely lies on the officials who are responsible for the bus services.
Driving habit of buses is extremely dangerous in Mumbai, I have experienced it myself.
If brake failure is the… pic.twitter.com/iLsW3hzHrl
આ અકસ્માત કુર્લા વેસ્ટ રેલવે સ્ટેશન રોડ પર આંબેડકર નગરમાં થયો હતો. બસ કુર્લા સ્ટેશનથી અંધેરી જઈ રહી હતી. આ બેસ્ટ બસોનું સંચાલન બળહન્મુંબઈ મ્યુનિસિપલ કોર્પોરેશન (BMC) દ્વારા કરવામાં આવે છે.
કહેવામાં આવી રહ્યું છે કે આરોપી ડ્રાઈવર સંજય મોરે સોમવારે પહેલીવાર બસ ચલાવી રહ્યો હતો. તેઓ ૧ ડિસેમ્બરે જ બેસ્ટમાં કોન્ટ્રાક્ટ ડ્રાઈવર તરીકે જોડાયા હતા. એવું માનવામાં આવે છે કે તેણે બ્રેકને બદલે એક્સિલરેટર દબાવ્યું હતું. જેના કારણે આ અકસ્માત થયો હતો.પોલીસે આરોપી ડ્રાઈવરની ધરપકડ કરી લીધી છે. મોડી રાતથી તે કસ્ટડીમાં હતો.
સ્પીડમાં આવતી બસે ઘણા અનેક લોકોને કચડી નાખ્યા
આ અકસ્માત સોમવારે રાત્રે ૯:૫૦ વાગ્યે એસજી બર્વે રોડ પર અંજુમ-એ-ઈસ્લામ સ્કૂલ પાસે, એલ વોર્ડની સામે થયો હતો. મુસાફરોથી ભરેલી બસ કાબૂ બહાર ગઈ અને ભીડભાડવાળા વિસ્તારમાં ઘુસી ગઈ. આ દરમિયાન સ્પીડમાં આવતી બસે ઘણા લોકોને કચડી નાખ્યા હતા. આખરે બસ એક બિલ્ડીંગના આરસીસી કોલમ સાથે અથડાઈને થંભી ગઈ. પરંતુ બિલ્ડિંગની બાઉન્ડ્રી વોલ ધરાશાયી થઈ હતી. આ દરમિયાન બસે ૧૦૦ મીટરની ત્રિજ્યામાં ૪૦ વાહનોને ટક્કર મારી હતી. આ ભયાનક દુર્ઘટનામાં અત્યાર સુધીમાં ૭ લોકોના મોત થયા છે જ્યારે 50 લોકો ઘાયલ હોવાનું કહેવાય છે, જેમની હોસ્પિટલમાં સારવાર ચાલી રહી છે.
બસ ડ્રાઈવરને મોટું વાહન ચલાવવાનો અનુભવ નથી
દરમિયાન પોલીસે જણાવ્યું હતું કે બસ ડ્રાઈવરને મોટું વાહન ચલાવવાનો અનુભવ નથી. તે ૧ ડિસેમ્બરથી સરકારી બસ ચલાવતો હતો. હવે ડ્રાઈવરના ઓછા અનુભવને કારણે આવું થયું કે અકસ્માત પાછળ કોઈ અન્ય કારણ છે તેની તપાસ કરવામાં આવી રહી છે. ડ્રાઈવરનું મેડિકલ પણ કરવામાં આવ્યું છે. તેની પૂછપરછ ચાલુ છે.
ઇલેક્ટ્રિક બસ હતી જે કુર્લા સ્ટેશનથી અંધેરી તરફ જઈ રહી હતી
મળતી માહિતી મુજબ અકસ્માતમાં સામેલ બસનો નંબર MH-૦૧, EM-૮૨૨૮ છે. તે બેસ્ટની ઇલેક્ટ્રિક બસ હતી જે કુર્લા સ્ટેશનથી અંધેરી તરફ જઈ રહી હતી. ભીડવાળા વિસ્તારમાં ૧૦૦ મીટર સુધી બસ લોકો અને અન્ય વાહનોને અથડાતી રહી. જેના કારણે અનેક લોકો ઘાયલ થયા અને રસ્તા પર પડી ગયા. આખરે બસ એક બિલ્ડીંગને ટક્કર માર્યા બાદ થંભી ગઈ. બસે કુલ ૪૦ વાહનોને ટક્કર મારી હતી. આ પછી ઘટનાસ્થળે નાસભાગ મચી ગઈ હતી. લોકો પોતાનો જીવ બચાવવા માટે અહીં-તહીં દોડી રહ્યા હતા. બાદમાં પોલીસ અને એમ્બ્યુલન્સને જાણ કરવામાં આવી હતી. ઈજાગ્રસ્તોને તાત્કાલિક હોસ્પિટલમાં લઈ જવામાં આવ્યા હતા.
શિવસેના ધારાસભ્યનો દાવો – ડ્રાઈવરે ગભરાઈને એક્સિલરેટર દબાવ્યું શિવસેનાના ધારાસભ્ય દિલીપ લાંડેએ કહ્યું, કુર્લા સ્ટેશનથી નીકળતી બસની બ્રેક ફેલ થઈ ગઈ અને ડ્રાઈવરે બસ પરનો કાબૂ ગુમાવ્યો. ડ્રાઈવર ગભરાઈ ગયો અને તેણે બ્રેક દબાવવાને બદલે એક્સીલેટર દબાવ્યું જેનાથી બસની સ્પીડ વધી ગઈ.
