યુપીમાં ભાજપના ધારાસભ્ય કાશીરામને હુમલા કેસમાં 7 વર્ષની કેદ

ઉત્તર પ્રદેશના ભાજપના પૂર્વ ધારાસભ્ય કાશીરામ દિવાકરને રામપુરની સાંસદ-ધારાસભ્ય કોર્ટે ગુરુવારે સાત વર્ષની જેલની સજા ફટકારી હતી. પૂર્વ ધારાસભ્ય સહિત છ દોષિતોને 7-7 વર્ષની સજા ફટકારવામાં આવી હતી. કોર્ટે પાંચેય ગુનેગારોને 1 લાખ 1 હજાર રૂપિયાનો દંડ પણ ફટકાર્યો છે. ગુનેગાર સંજુ યાદવ પર 1 લાખ 71 હજાર રૂપિયાનો દંડ ફટકારવામાં આવ્યો હતો.

શાહબાદમાં રાણા સુગર મિલમાં ઘૂસીને હુમલો અને તોડફોડ કરવા બદલ પૂર્વ ધારાસભ્ય સામે કેસ પેન્ડિંગ હતો. કોર્ટે બુધવારે 6 લોકોને દોષિત ઠેરવ્યા હતા. જ્યારે 21 લોકોને નિર્દોષ જાહેર કરવામાં આવ્યા હતા.

સમગ્ર મામલો 16 જાન્યુઆરી 2012નો છે. પૂર્વ ધારાસભ્ય કાશીરામ દિવાકર, સંજુ યાદવ, મેઘરાજ, સુરેશ ગુપ્તા, કૃષ્ણપાલ અને ભરતને કોર્ટે દોષિત ઠેરવ્યા હતા અને સજા સંભળાવી હતી.